آئی پی ایس افسر کے خلاف 29 نومبر کو سماعت

سینیئر آئی پی ایس افسر کی ضمانت کے خلاف سی بی آئی کی عرضی پر سپریم کورٹ میں 29 نومبر کو سماعت ہوگی۔

کلکتہ ہائی کورٹ نے سابق کلکتہ پولس کمشنرراجیو کمار کو شاردا چٹ فنڈ بدعنوانی کیس میں پیشگی ضمانت دیتے ہوئے ہدایت دی تھی کہ سی بی آئی کے ہرسمن پر انہیں پیش ہونا ہوگا۔

آٹھ اکتوبر کو اس فیصلے کے خلاف سی بی آئی نے سپریم کورٹ میں عرضی دائر کی تھی۔ تاہم پوجا کی تعطیلات کی وجہ سے فوری طور پر اس کیس کی سماعت نہیں ہوسکی تھی۔

خیال رہے کہ سی بی آئی شاردا چٹ فنڈ بدعنوانی کیس میں کئی چارج شیٹ جمع کراچکی ہے۔ سی بی آئی کے بقول راجیو کمار کے خلاف پختہ ثبوت ہیں اس لیے ان سے پو چھ گچھ کیلئے حراست میں لینا ضروری ہے۔

راجیو کمار پوچھ تاچھ میں تعاون نہیں کررہے ہیں۔اس سے قبل راجیو کمار کو پیش گی ضمانت کیلئے کئی عدالتوں کا دروازہ کھٹکھٹانا پڑا تھا۔