اعزازی طور پر ڈپٹی پولس کمشنر بننے والی طالبہ

آئی ایس سی امتحان میں شاندار کارکردگی کا مظاہرہ اور ممتاز نمبرات حاصل کرنے والی رچا اعزازی طور پر ڈپٹی پولس کمشنر بنائی گئیں۔

آئی ایس سی امتحان میں 99.25فیصد نمبر حاصل کرنے والی رِچا سنگھ کو اعزازی طور پر ایک گھنٹے کیلئے کلکتہ پولس کا ڈپٹی کمشنر بنایا گیا۔

جی ڈی برلا سنٹر فار ایجویشن میں زیر تعلیم رچا سنگھ کے والد راجیش کمار گڑیا ہاٹ پولس اسٹیشن کے انسپکٹر ہیں۔رچا سنگھ کی کامیابی پر کلکتہ پولیس خوش ہے۔

ڈی سی کلیان مکھرجی نے رچا کو اپنی کرسی پیش کی اور وہ ایک گھنٹے دفتر میں موجود رہیں۔اس سے قبل کلکتہ پولس کمشنر ڈاکٹر راجیش کمار نے رچا کی حوصلہ افزائی کی اور اس موقع پر رچا کے والد راجیش بھی موجود تھے۔