فی خاندان ساڑھے پانچ ہزار معاوضہ دینے کا منصوبہ

کانگریس کے ریاستی صدر ادھیر رنجن چودھری نے کہا کہ اگر ان کی پارٹی اقتدار میں آتی ہے تو ہر خاندان کو ساڑھے پانچ ہزار روپے معاوضہ دیا جائے گا۔

ریاست مغربی بنگال میں ہونے والے آئندہ اسمبلی انتخابات سے قبل تمام سیاسی جماعتوں نے ووٹرز کی توجہ اپنی طرف متوجہ کرنے کی کوشش تیز کردی ہے۔

ادھیر رنجن چودھری نے کہا کہ اگر ان کی پارٹی اقتدار میں آتی ہے تو ہر خاندان کو ساڑھے پانچ ہزار روپے معاوضہ دیا جائے گا

حکمراں جماعت ترنمول کانگریس سمیت تمام سیاسی جماعتوں کی جانب سے نئے نئے وعدے کیے جارہے ہیں۔

اسی ضمن مغربی بنگال ریاستی کانگریس کے صدر ادھیر رنجن چودھری نے کہا کہ ترنمول کانگریس اور بی جے پی کو شکست دینے کے لیے ایک مضبوط اتحاد بنایا گیا ہے۔

ترنمول کانگریس اور بی جے پی کو شکست دینے کے لیے ایک مضبوط اتحاد بنایا گیا ہے

انہوں نے کہا کہ مغربی بنگال کے عوام نے کانگریس اور لفٹ فرنٹ کے اتحاد پر اعتماد کا اظہار کیا ہے۔

انہوں نے کہا کہ یہ اتحاد عوام کے حق میں ہی کام کرے گا اور اگر ان کی پارٹی اقتدار میں آتی ہے تو مغربی بنگال میں رہنے والے عوام کے لیے متعدد ترقیاتی منصوبے بنائے گئے ہیں۔

صدر ادھیر رنجن چودھری نے کہا کہ ترنمول کانگریس اور بی جے پی کو شکست دینے کے لیے ایک مضبوط اتحاد بنایا گیا ہے

اقتدار میں آنے کے بعد بنگال کے فی خاندان ساڑھے پانچ ہزار روپے معاوضہ دیا جائے گا تاہم اس کے لیے کسی کے گھر جانے کی ضرورت نہیں ہے بلکہ تمام لوگوں کے اکاؤنٹ میں معاوضے کی رقم جمع ہوجائے گی۔

اس کے علاوہ بھی عوام کے لیے متعدد ترقیاتی منصوبے بنائے گئے ہیں جس کا وقت آنے پر ایک ایک کرکے اعلان کیا جائے گا۔

انہوں نے مزید کہا کہ اقتدار میں آنے کے بعد بے روزگاری کو دور کرنے کی کوشش کی جائے گی۔