Sainul Qualifies in NEET جوٹ مل کے مزدورکا بیٹا ژین الحق نیٹ میں کامیاب

مرشدآباد ضلع کے نوادا تھانہ علاقے مییں رہنے والے جوٹ مل کے مزدورمنیرالاسلام کے بیٹے ژین الحق نے نیٹ میں بہترین کارکردگی کامظاہرہ کیا۔ نودا تھانے کے آفیسرانچارج نے نیٹ میں کامیابی حاصل کرنے والے نوجوان کو استقبالیہ دیا۔Sainul Qualifies in NEET

مغربی بنگال کے مرشدآباد ضلع کے نوادا تھانہ علاقے مییں رہنے والے جوٹ مل کے مزدور منیرالاسلام کے بیٹے ژین الحق نے نیٹ میں بہترین کارکردگی کامظاہرہ کرکے ملک و ملت کا نام روشن کیا۔ نوجوان کی کامیابی پرگھر والوں کے ساتھ ساتھ گاؤں والوں میں بھی جوش و خروش پایا جا رہا ہے۔son of a jute mill worker sainul haq qualifies in neet

ژین الحق نے نیٹ امتحان میں 11 ہزار626 رینک کے ساتھ مغربی بنگال میں نمایاں رہے ہیں۔ انہوں نے اس کامیابی کوگھروالوں کو وقف کیا ہے۔ثنا الحق نے کہاکہ وہ ڈاکٹر بننا چاہتے ہیں۔وہ ڈاکٹر بن کرگاوں کے لوگوں کی مدد کرنا چاہتے ہیں۔گاوں کے لوگوں کو علاج کے لئے دور دراز کے علاقوں میں واقع ہسپتالوں میں جاناپڑتا ہے۔

انہوں نے کہاکہ نیٹ کے لئے تیاری کرنے کی کوشش کررہاتھا، انہیں یقین تھاکہ وہ نیٹ نکال لیں گے اور بالکل انہوں نے ایسا ہی کیا۔ ان کے دوستوں نے بھی نیٹ دیا تھا لیکن بدقسمتی سے ان میں سے کسی کوکامیابی نہیں ملی۔ ان کاکہنا ہے کہ نیٹ کی تیاریوں میں ان کے گھر والوں، پڑوسیوں اور دوستوں نے بھی بڑی مدد کی۔ اس لئے وہ ڈاکٹر بن کر گاؤں والوں کی مدد کرنا چاہتے ہیں۔

ژین الحق کی ماں مینرا بی بی نے کہاکہ ان کا بیٹا پڑھائی لکھائی میں تیز ہے۔ لیکن گھر کی مالی حالت اتنی اچھی نہیں ہے کہ اسے آگے پڑھا سکیں۔ وہ خود ہی اپنی پڑلکھائی کا انتظام کرتا ہے۔ انہوں نے کہاکہ سنا ہے کہ کوئی امتحان پاس کیاہے۔وہ ڈاکٹر بننا چاہتا ہے۔

دوسری طرف نوادا تھانہ کے آفیسر انچارج اتپل دت نے نیٹ امتحان میں شاندار کارکردگی کامظاہرہ کرنے پر ژین الحق کومبارکباد دی اور آگے کی پڑھائی کے لئے ہرممکن مدد کی یقین دہانی کرائی۔

نوادا ترنمول کانگریس بلاک صدر حسین الزماں شیخ نے نیٹ امتحان میں شاندارکارکردگی کامظاہرہ کرنے والے ژین الحق کودس ہزار روپے نقد انعام دیا۔ ان کاکہنا ہے کہ ژین الحق نے پورے مرشدآباد ضلع کا نام روشن کیا ہے۔ اگر وہ اس نوجوان کے لئے کچھ بہتر کرسکتے ہیں تواس سے بڑی خوشی کی بات اور کیا ہوسکتی ہے۔