ایس ایس کے ایم میں سکیورٹی گارڈ پر حملہ

سرکاری ہسپتالوں میں مریض کے رشتہ داروں کے ذریعہ جونیئر ڈاکٹروں کی پٹائی پر سخت احتجاج کے بعد ہسپتالوں میں تعینات سکیورٹی گارڈ کے ساتھ مارپیٹ کا واقعہ منظر عام پر آیا ہے۔

کلکتہ شہر کے سب سے بڑے سرکاری اسپتال ایس ایس کے ایم میں مریض کے رشتہ داروں نے سیکورٹی گارڈ کی پٹائی کردی۔اس کے بعد سیکورڈی گارڈ سے اسپتال انتظامیہ کے سامنے احتجاج کیا۔

اسپتال کے ذرائع کے مطابق صبح 10.30بجے کے قریب ہوڑہ سے ایک ایمبولنس اسپتال کے ایمرجنسی وارڈ کے سامنے آیا۔مریض کے رشتہ دار ایمبولنس کو ایمرجنسی ڈیبارٹمٹ پر کے دروازے تک لے جانے پر بضد تھے جب کہ سیکورٹی گارڈ ٹرولی کے ذریعہ لے جانے کو کہا۔

عینی شاہدین نے بتایا کہ سیکورٹی گارڈ نے کہا کہ کچھ دیر رکیں ٹرولی لے کر آتے ہیں۔کچھ دیر بعد ٹرولی بھی آگیا۔مگر مریض کے رشتہ داروں کا کہنا تھا کہ ٹرولی لانے میں تاخیر کی وجہ سے مریض کی حالت خراب ہوگئی ہے اور اس کے بعد سیکورٹی گارڈ امرت رائے کی پٹائی کرنے لگے۔

پولس جلد ہی موقع پر پہنچ کر حالات کو کنٹرول کیا اور کچھ رشتہ داروں کو گرفتار بھی کرلیا ہے۔مریض کو ایمرجنسی محکمہ میں لے جایا گیا مگر ڈاکٹروں نے مردہ قراردیدیا۔مریض کے رشتہ داروں کی شکایت ہے کہ ٹرولی میں تاخیر کی وجہ سے مریض کی موت ہوئی ہے۔جب کہ ڈاکٹروں کا کہنا تھا کہ مریض کی موت کافی پہلے ہی ہوچکی ہے۔

اس واقعہ کے بعد اسپتال کے سیکورڈی گارڈ نے اسپتال سپرنڈنٹ کے سامنے احتجاج کرنے لگے۔زیادہ تر سیکورڈی گاڈر میں فوج کے ریٹائرڈ جوان ہیں۔مظاہرہ کررہے سیکورڈی گارڈ کا کہناتھا کہ مریض کے رشتہ دار ٹرولی لانے میں تعاون نہیں کرتے ہیں۔تاہم اسپتال انتظامیہ نے اس پورے معاملے کو دیکھنے کی یقین دہانی کرائی ہے۔