بھارتیہ جنتاپارٹی کی رکن پارلیمان اور مشہور اداکارہ روپاگنگولی نے مغربی بنگال کی وزیرعلیٰ ممتابنرجی پر تنقید کرتے ہوئے کہاکہ انہیں کوئی بھی بات آسانی سے سمجھ میں نہیں آ تی ہے۔
بی جے پی کی رکن پارلیمان کی ممتا پر تنقید انہوں نے کہاکہ اگر انہیں بات سمجھ میں آتی تو آئین عہدے پر فائذ لوگوں کااحترام کرتی ہیں۔ ممتاجی نے گزشتہ مہنیوں کے دوران کوئی ایسا کام نہیں کیا جس کی تعریف کی جائے ۔
رکن پارلیمان کاکہنا ہےکہ ترنمول کانگریس کی سربراہ ممتابنرجی اور گورنر جگدیپ دھنکرکے درمیان تنازعہ چل رہاہے۔ ممتاجی ہی اس کی ذمہ دار ہیں۔
انہوں نےکہاکہ ممتادیدی وزیراعلیٰ ہیں ۔ ان کاکام اور گورنر کے کام مختلف ہیں۔ دونوں ایک ہی ریاست کے دو مختلف آئینی عہدے پر فائز ہیں۔ لیکن سمجھ میں نہیں آتا ہے کہ ممتاگورنر سے کس بات پر ناراض ہیں۔
روپاگنگولی نے کہاکہ ممتابنرجی اور گورنرز کے درمیان تنازعہ پرانا ہے۔ اس سے قبل مغربی بنگال کے گورنر کیشری ناتھ ترپاٹھی سے بھی ان کا تنازعہ رہا۔
کیشری ناتھ ترپاٹھی اور ممتابنرجی کے درمیان کئی موضوع پر اختلافات پائے گیے تھے۔ اس میں کیا کہا جاسکتاہے۔ ایک شخص پسند نہیں تودوسرے شخص کے ساتھ بھی ویسا ہی سلوک کیا جا رہا ہے۔
انہوں نے کہاکہ بس چند مہینوں کی بات ہے۔ مغربی بنگال کے عوام نے ممتابنرجی اور ان کی پارٹی کو اکھاڑپھینکنے کےلیے تیار ہیں۔
