'آرایس ایس نے مودی کی حمایت بند کردی'

بہوجن سماج وادی پارٹی کی سربراہ مایاوتی نے پریس کانفرنس کرکے وزیر اعظم نریندر مودی کی سخت سرزنش نے کی۔

انہوں نے کہا مودی حکومت انتخابات میں ہار رہی ہے۔ بی جے پی کی اتحادی شدت پسند تنظیم آر ایس ایس نے ان کی حمایت بند کردی ہے۔

انہوں نے مزید کہا کہ مودی نے وعدے پورے نہیں کئے، اس لیےعوام میں غم و غصہ دکھائی دے رہا ہے۔

مایاوتی نے یہ بھی کہا کہ عوام کو ورغلانے کے لیے رہنماؤں نے خود سیوک، چائے والا اور چوکیدار وغیرہ بولا۔

اب عوام کو آئین کے مطابق ملک کو چلانے والا وزیراعظم چاہئے جس سے ملک ترقی کی راہ پر گامزن ہو جائے۔

عوام نے ایسے بہروپیا سے کافی دھوکہ کیا ہے، اب عوام ان کے بہکاوے میں آنے والی نہیں ہیں۔