مسلسل بارش کے سبب ہاؤڑہ میں راستہ دھنسے سے دکانیں منہدم

مغربی بنگال میں گذشتہ چوبیس گھنٹوں سے جاری بارش کے سبب ہاؤڑہ ضلع کے البیڑیا میں راستہ دھنسے سے دکانیں منہدم ہو گئیں جس کے سبب کافی مالی نقصان ہوا ہے۔

مغربی بنگال میں بارش کی دستک کے بعد ریاست بیشتر اضلاع شمالی 24 پرگنہ، جنوبی 24 پرگنہ، ہوڑہ، ہگلی، ندیا اور مرشدآباد میں بارش کا سلسلہ جاری ہے۔

ریاست میں گذشتہ چوبیس گھنٹوں سے جاری بارش کے سبب دار الحکومت کولکاتا سے متصل ضلع ہاؤڑہ کے البیڑیا میں راستہ دھنسے سے دکانیں منہدم ہوگئیں جس کے سبب کافی مالی نقصان ہوا ہے۔

ذرائع کے مطابق ہاؤڑہ ضلع کے البیڑیا کے رام راج تلہ علاقے میں سڑک دھنس گئی جس کی وجہ سے سڑک کے کنارے دکانیں منہدم ہوگئیں۔

ہاؤڑہ میونسپل کارپوریشن کے ملازمین، البیڑیا تھانے کی پولیس اور فائر بریگیڈ کے اہلکار جائے وقوع پر پہنچ کر حالات کے جائزے لیا۔

فائر بریگیڈ کے اہلکار نے کہا کہ مسلسل بارش سڑک دھنسے سے ہی سڑک کے کنارے دکانیں تباہ ہوگئیں. اس واقعے میں کسی کے زخمی ہونے کی اطلاع نہیں ہے۔ مالی نقصان ہوا ہے۔

ہاؤڑہ میونسپل کارپوریشن کے اہلکاروں نے کہا کہ سڑک دھنسے کے واقعے کی جانچ کی جائے گی۔ چوبیس گھنٹوں سے جاری بارش کے سبب ہی یہ واقعہ پیش آیا ہے۔


مغربی بنگال علی پور محکمہ موسمیات (west bengal metrological department ali pur) کے مطابق اگلے چند دنوں تک بارش کا سلسلہ جاری ہے۔ جنوبی بنگال میں زیادہ بارش ہونے کا امکان ہے۔

ذرائع کے مطابق مغربی بنگال مونسون کی دستک ہو چکی ہے لیکن اس میں شدت آنے میں تھوڑا وقت لگ سکتا ہے۔ اسی وجہ سے بارش شروع ہوئی ہے۔

واضح رہے کہ مغربی بنگال کے مرشدآباد، ندیا، مشرقی مدنی پور، بردوان ضلع میں جون کے پہلے ہفتے میں بارش کا جو سلسلہ شروع ہوا تھا وہ اب تک جاری ہے۔
اسی درمیان آسمانی بجلی گرنے سے مرشدآباد، ہگلی، مشرقی مدنی پور، ندیا اور بردوان ضلع اب تک 42 لوگوں کی موت ہو چکی ہے جبکہ درجنوں افراد زخمی ہوئے ہیں۔