پلاسٹک کے خاتمہ کےلیے پٹسن کے استعمال کی اہمیت

موجودہ دور میں ماحول کو صاف ستھرا رکھنے کےلیے سنگل یوز پلاسٹک کے استعمال کو ترک کرنا ضروری ہے جبکہ اس سلسلہ میں مرکزی حکومت کی جانب سے قدم اٹھاتے ہوئے پٹسن کی صنعت کو تقویت بخشنے کا وعدہ کیا گیا ہے۔

پٹسن کاشتکاروں کے ساتھ ساتھ اس صنعت سے جڑے دیگر افراد بھی حکومت کے فیصلہ سے خوش ہیں اور انہیں یقین ہے کہ زوال پذیر شعبہ مستقبل قریب میں ترقی کریگا۔

ریاست مغربی بنگال کے اضلاع ندیا اور شمالی 24 پرگناس پٹسن کی کاشت کےلیے مہشور ہیں۔ پٹسن کے کسانوں کے مسائل کو حل کرنے کےلیے مرکزی حکومت نے مغربی بنگال کے پٹسن کمشنر سے اس شعبہ کے مسائل اور ان کو حل کرتے ہوئے شعبہ کی ترقی پر تفصیلی رپورٹ طلب کی تھی۔

رپورٹ میں پٹسن مصنوعات صنعت کو فروغ دینے کےلیے مختلف سفارشات پیش کی گئی اور قوانین میں ترمیم کرنے کا مطالبہ کیا گیا ہے۔ پٹسن کاشت کےلیے پانی کی سربراہی اور اعلیٰ قسم کے بیچ کی فراہمی کو یقینی بنانے کا بھی رپورٹ میں مطالبہ کیا گیا۔

مرکزی اور ریاستی حکومتوں کی جانب سے کئے جارہے مثبت اقدامات کی وجہ سے ندیا کے کاشتکاروں نے خوشی کا اظہار کیا ہے اور انہیں پٹسن کی کاشت میں بڑے پیمانہ پر اضافہ کی امید ہے۔

پلاسٹک صنعت سے جڑے افراد پلاسٹک پر عائد پابندی کے معاملہ میں سست روی اختیار کرنے کےلیے حکومت پر دباؤں ڈال رہے ہیں۔

پلاسٹک کے مضر اثرات سے ماحول کو محفوظ رکھنے کےلیے ضروری ہے کہ سنگل یوز پلاسٹک کے استعمال کو ختم کریں اور پٹسن سے بنی مصنوعات کے استعمال کو عام کریں۔