Religious Leaders on Hate Mongers: مذہبی رہنماوں نے شان رسول میں گستاخی کرنے والوں کو قانون کے مطابق سزا دینے کا مطالبہ کیا

کولکاتا میں دھارمک جن منچ کے ایک پریس کانفرنس میں مشترکہ طور پر ہندو ،مسلم ،سکھ بدھ اور عیسائی دھرم کے رہنماؤں نے شان رسولﷺ میں گستاخی کے واقعے کی سخت مذمت کرتے ہوئے قصوروار افراد کے خلاف سخت سزا کا مطالبہ کیا اور نوپور شرما اور نوین جندال کی فوری گرفتاری کا مطالبہ کیا۔Religious Leaders on Hate Mongers

کولکاتا میں بین مذاہب کے رہنماؤں نے شان رسول میں گستاخی والے بیانات پر اپنی برہمی کا اظہار کرتےہوئے بی جے پی قصوروار رہنماؤں کو قانون کے مطابق سزا دینے کا مطالبہ کیا۔ بی جے پی کی رہنما نوپور شرما کی جانب سے رسول اکرمﷺکے خلاف نازیبا کلمات کہے جانے اور شان رسول میں گستاخی کے خلاف پوری دنیا میں ناراضگی کا اظہار کیا جا رہا ہے۔ملک میں اس کے خلاف کئی جگہوں پر احتجاج بھی ہوئے ہیں۔لیکن حکومت کی جانب سے ابھی تک نوپور شرما اور نوین جندال کے خلاف کوئی کارروائی نہیں کی گئی ہے۔جس کے خلاف پورے ملک میں مسلمانوں کی جانب سے ناراضگی کا اظہار کیا جا رہاہے اور نوپور شرما اور نوین جندال کی فوری گرفتاری کا مطالبہ کیا جا رہا ہے۔Religious Leaders on Hate Mongers

کولکاتا میٹرو بھی آج بین مذاہب کے رہنماؤں نے شان رسول ﷺمیں گستاخی کرنے والے کی مذمت کرتے ہوئے ان کو فوری طور پر گرفتار کرنے اور قانون کے تحت کارروائی کرنے کا مطالبہ کیا۔دھارمک جن مورچہ کے بینر تلے کولکاتا میں مختلف مذاہب کے رہنماؤں نے اس واقعے کی مذمت کی اور ملک کی سالمیت اور اتحاد و امن کے لئے ایسے لوگوں کو خطرہ قرار دیا۔

بدھ مذہبی رہنما ارون جیوتی بھکو نے ای ٹی وی بھارت سے بات کرتے ہوئے کہا کہ پیغمبر اسلام کے خلاف نازیبا کلمات کا استعمال کیا گیا ہم بدھ دھرم کے ماننے والے اس کی سخت مذمت کرتے ہیں اور بی جے پی رہنما نوپور شرما کے خلاف سخت کارروائی کا مطالبہ کرتے ہیں اور ساتھ ہی ان کی گرفتاری کا مطالبہ کرتے ہیں۔بشپ پیٹر آلوک مکھرجی نے کہا کہ پیغمبر اسلام کے خلاف بیان بازی ناقبل قبول ہے۔ہم اس کی مذمت کرتے ہیں اور ان لوگوں کے خلاف سخت کارروائی کا مطالبہ کرتے ہیں۔

جماعت اسلامی حلقہ مغربی بنگال کے نائب صدر شاداب معصوم نے کہا کہ بی جے پی نے ان لوگوں کے خلاف کیا کارروائی کی ہے ہمیں اس سے کوئی مطلب نہیں ہے وہ پارٹی میں رہے یا نہ رہے اس سے ہمیں کوئی فرق نہیں پڑتا ہے ہم چاہتے ہیں کہ ان کو اس گناہ کے پاداش میں قانون کے تحت کارروائی کی جائے ان کو سزا دی جائے ان کو فورا گرفتار کیا جائے۔جس قانون میں کہا گیا ہے کہ کسی کے مذہبی جذبات کو مجروح کرنے پر سزا دی جائے گی۔

پریس کانفرنس میں سوامی ڈاکٹر پرمانند گیری مہاراج رام کرشنا مشن، ڈاکٹر رحمت علی خان، سابق امیر جماعت اسلامی حلقہ مغربی بنگال، ڈاکٹر ارون جیوتی بھکو، بدھ مت رہنما،آچاریہ گوپال کھیتری، بشپ پیٹر آلوک مکھرجی اور سکھ مذہبی رہنما سورن سنگھ موجود تھے۔