ایس ایف آئی کے 50 برس مکمل ہونے پر جلوس

شمالی 24 پرگنہ کے باراسات میں ایس ایف آئی کی گولڈن جبلی تقریبات کے موقع پر طالبات کی جانب سے جلوس کا اہتمام کیا گیا۔

مغربی بنگال کے شمالی 24 پرگنہ کے باراسات میں سی پی آئی ایم کی طالبہ تنظیم ایس ایف آئی کے پچاس برس مکمل ہونے پر مختلف تقریبات کا اہتمام کیا گیا۔

وہیں، باراسات میں ایس ایف آئی کی گولڈن جوبلی کے موقع پر طالبات کی جانب سے جلوس نکالا گیا۔ اس جلوس میں سی پی آئی ایم کی کسان تنظیموں کے کارکنان بھی شامل تھے۔

ایس ایف آئی کے رہنما نیپال دیب بھٹاچاریہ نے کہا کہ آج سے پچاس برس پہلے ایس ایف آئی کو تشکیل دیا گیا تھا۔ ان پچاس برسوں کے دوران ایس ایف آئی کے نہ جانے کتنے کارکنان سیاسی انتقام کی بھینٹ چڑھ گئے۔

انہوں نے کہا کہ ایس ایف آئی ملک کی ایسی واحد طلباء تنظیم ہے جو اپنے تمام کارکنان کی یاد میں تقریب کا اہتمام کرتی ہے اور مستقبل میں بھی کرتی رہے گی۔

انہوں نے کہا کہ جس تحریک میں ایس ایف آئی شامل ہو جاتی ہے اس کی کامیابی طے ہو جاتی ہے۔ اسی وجہ سے اس تنظیم کو ختم کرنے کی ہر ممکن کوشش کی جاتی رہی ہے۔

نیپال دیب بھٹاچاریہ کے مطابق ملک کی موجودہ صورتحال میں ایس ایف آئی ایک اہم رول ادا کر سکتی ہے اور کر بھی رہی ہے۔ پچاس برس قبل طالبات کا اس تنظیم سے جڑنے کا جو سلسلہ شروع ہوا تھا وہ آج بھی جاری ہے۔

اس جلوس میں شامل کسان تنظیم کے رہنما نے کسانوں تحریک کی حمایت جاری رکھنے کی بات کہی۔