رائے گنج سے بی جے پی رکن اسمبلی پارٹی سے مستعفی

بی جے پی رکن اسمبلی کرشنا کلیانی کے پارٹی سے مستعفی ہونے کے بعد ان کے ترنمول کانگریس میں شامل ہونے کی قیاس آرائی تیز ہو گئی ہے حالانکہ انہوں نے اس سلسلے میں اب تک واضح طور پر کچھ بھی نہیں کہا ہے۔

مغربی بنگال میں گزرتے وقت کے ساتھ ساتھ سیاسی سرگرمیوں میں تیزی سے اضافہ ہوا ہے۔ مختلف اضلاع سے روزانہ دل بدل کی خبریں موصول ہو رہی ہیں۔

ریاست میں دل بدل (ایک پارٹی کو چھوڑ کر دوسرے پارٹی میں جانا) کے کھیل کے دو حصوں میں تقسیم کیا جا سکتا ہے پہلے اسمبلی انتخابات 2021 کی تاریخوں کے اعلان اور دوسرا نتائج کے بعد۔

دل بدل کے اس کھیل کی پہلی اننگز یعنی اسمبلی انتخابات سے پہلے تمام کامیابیاں بی جے پی کی جھولی میں آئی تھی۔ جس میں شھبندو ادھیکاری کے طور پر بی جے پی کو بڑی کامیابی ملی تھی۔

رواں سال کے دو مئی کو اسمبلی انتخابات 2021 کے نتائج کے بعد ریاست کی سیاسی صورتحال میں تیزی سے تبدیلی آئی ہے۔ بی جے پی کے قومی نائب صدر مکل رائے اور ان کے بیٹے ترنمول کانگریس میں شامل ہوگئے۔

دل بدل کے کھیل میں حکمراں جماعت ترنمول کانگریس کی جیت ہوئی ہے۔ اسی درمیان شمالی دیناج پور کے رائے گنج سے بی جے پی کے رکن اسمبلی کرشنا کلیانی کے بی جے پی سے الگ ہونے کے اعلان کے بعد ریاست کی سیاست میں قیاس آرائی تیز ہو گئی ہے.

شمالی دیناج پور کے بی جے پی یونٹ میں زبردست دراڑ پڑنے کے باوجود ریاستی صدر سوکناتا مجمدار اور پھر حزب اختلاف کے رہنما شھبندو ادھیکاری کی جانب سے ابھی تک کوئی ردعمل سامنے نہیں آیا ہے۔

دوسری طرف کرشنا کلیانی نے کہا کہ انہوں نے بی جے پی پارٹی سے مستعفی ہونے کا فیصلہ کیا ہے اسمبلی رکنیت نہیں چھوڑی ہے، وہ اب بھی رکن اسمبلی ہیں اور مستقبل میں بھی رہے گے.

رکن اسمبلی کرشنا کلیانی کے بی جے پی سے مستعفی ہونے کے بعد ان کے ترنمول کانگریس میں شامل ہونے کی قیاس آرائی تیز ہو گئی ہے حالانکہ انہوں نے اس سلسلے میں اب تک واضج طور پر کچھ بھی نہیں کہا ہے۔