مسجدوں پر حملے کے خلاف کولکاتا میں مسلمانوں کا احتجاج

مغر بی بنگال کے دارلحکومت میں آ ج جمعہ کی نماز کے بعد مسلمانوں نے گزشتہ دومہینوں سے جاری فرقہ وارانہ تشدد اور مساجد ]ر حملے کے خلاف احتجاج کیا۔

کولکاتا کے راجہ بازار میں جمعہ کی نماز کے بعد مسلمانوں نے کانکی نارہ میں مختلف مساجد پر مسلسل حملے کے خلاف احتجاج کیا اور ناکہ بندی کردی ۔

جمعہ کی نماز بعد مسلمانوں سے کانکی نارہ فسادات اور مسجدوں پر حملے کے ایک خاموش احتجاج کرنے کے لئے مسلمانوں کو راجہ موڑ پر جمع ہوکر احتجاج درج کرانے کی اپیل کی اپیل کی گئی تھی ۔

اس کے بعد بڑی تعداد میں مسلمان راجہ بازار موڑ پر جمع ہوگئے اور سڑک کی ناکہ بندی کردی ۔ناکہ بندی کی وجہ سے آدھے گھنٹے تک ٹرافک نظام متاثر ہوئی ۔

احتجاج میں شامل ایک ایک شخص نے ای ٹی وی بھارت کو بتایا کہ گزشتہ دو ماہ سے کانکی نارہ کے مسلمانوں پر عرصہ حیات تنگ کر دیا گیا ہے۔

انہوں نے کہاکہ مسجدوں پر بموں سے کئی بار حملے ہو چکے ہیں۔ وہاں کا ایم پی ارجن سنگھ یہ سب کروا رہا ہے اور پولس اور انتظامیہ حالات پر قابو پانے میں ناکام ہیں۔

انہوں نے مزید کہاکہ ممتا بنرجی کی حکومت فسادات کو روکنے کے لئے کچھ نہیں کر رہی اور ارجن سنگھ جو کروا رہے ہیں وہ بہت غلط ہے ہمارے ساتھ کوئی ہے ہم امن چاہتے ہیں ہم چین وسکون سے رہنا چاہتے ہیں اور اس لئے آج سڑک پر اتر ی ہیں۔