سڑک حادثے میں ایک کی موت،متعدد زخمی

کولکاتا کے قریب ہاوڑہ ضلع کے دومجور تھانہ علاقے میں بھیانک سڑک حادثے میں ایک شخص کی موت ہوگئی جبکہ دیگر 19 افراد زخمی ہوگیے

مغربی بنگال میں ہاوڑہ ضلع کے دومجور میں ایک پرائیویٹ بس پر کھڑی ملک وین سے ٹکرانے سے بس کے کنڈکٹر کی موت ہوگئی اور 19مسافر زخمی ہوگئے۔

پولیس نے بتایا کہ صبح تقریباً ساڑھے چھ بجے راج ولبھ ہاٹ سے ہاوڑہ جانے والی بس دومج پور میں ایک اسپیڈ بریکر سے ٹکراکر بے قابوہوگئی اور ایک ملک وین سے ٹکر کے بعد پلٹ گئی۔

پولیس کاکہنا ہے کہ حادثے کے بعد گاڑیوں کی آمدرفت پوری طرح سے متاثر رہوگئی۔ زخمیوں کو مقامی ہستپال میں داخل کرایاگیا۔

حادثے میں بس کے کنڈکٹر کی جائے وقوع پر ہی موت ہوگئی اور 19مسافر زخمی ہوگئے۔زخمیوں کو نزدیکی اسپتال میں داخل کرایاگیا ہے جن میں سے کچھ کی حالت نازک بتائی جارہی ہے۔

شدید طورپر زخمی کچھ لوگوں کو ایس ایس کے ایم اسپتال میں داخل کرایاگیا ہے۔حادثے کے بعد بس ڈرائیور فرار ہوگیا۔

مقامی باشندوں کاکہنا ہے کہ پرائیوٹ بس اور ملک وین کے درمیان زوردار ٹکر ہوئی۔اس ٹکر کے بعد شور مچنے لگا۔مقامی باشندوں نے زخمیوں کوبس کے اندر سے نکالنے میں پولیس کی بڑی مدد کی۔