نبنو مارچ کے دوران لیفٹ کے کارکنوں پر پولیس کا لاٹھی چارج

بایاں محاذ کے طلبہ و نوجوان تنظیموں کی جانب سے بے روزگاری، تعلیم اور نوکری کے مطالبے پر آج نبنو مارچ کا اعلان کیا گیا تھا۔ ایس ایف آئی اور ڈی وائی ایف آئی کے حامی بڑی تعداد ميں اس مارچ میں شامل ہوئے۔ لیکن پولیس نے مارچ کو ڈورینہ کراسنگ پر ہی روک دیا جس کے بعد پولیس اور بایاں محاذ کے حامیوں کے درمیان تصادم شروع ہو گیا۔

بایاں محاذ کے مختلف طلبہ اور نوجوان تنظیموں کی جانب سے ریاستی کے خلاف متعدد مطالبات کو لیکر نبنو مارچ کا اعلان کیا تھا۔ آج صبح سے ہی بایاں محاذ کے حامی نبنو مارچ میں شامل ہونے کے لئے کولکاتا میں جمع ہونا شروع ہو گئے تھے۔ پولیس نے بھی ان کو روکنے کے لئے ایک دن قبل ہی تیاریاں شروع کردی تھی۔

نبنو سے پانچ کیلو میٹر قبل ہی پولیس نے ان کو روکنے کے لئے دھرم تلہ میں بڑے پیمانے پر بیریکیڈنگ کر دی تھی۔ دھرم تلہ کے ڈورینہ کراسنگ پر بایاں محاذ حامیوں کو پولیس نے روک دیا جس کے نتیجے میں بایاں محاذ حامیوں اور پولس کے درمیان بڑے پیمانے پر تصادم شروع ہو گیا۔

ان کو روکنے کے لیے پولیس کی طرف سے احتجاجیوں پر واٹر کینن اور آنسو گیس کے گولے داغے گئے اور ان پر پولیس کی طرف دے شدید طور پر لاٹھی چارج کیا گیا جس کے نتیجے میں بڑے پیمانے پر بایاں محاذ حامی زخمی ہوئے ہیں۔

بایاں محاذ کی طرف سے الزام لگایا گیا ہے کہ پولیس نے بلا وجہ بایاں محاذ حامیوں پر لاٹھی چارج کیا اور خواتین کو بھی نہیں بخشا گیا۔ دوسری جانب پولیس کا کہنا ہے کہ بایاں محاذ حامیوں کی طرف سے پولیس پر پتھر بازی کی گئی۔