لفٹ فرنٹ کے کارکنان پر پولیس کا لاٹھی چارج

ہاوڑہ ضلع میں زرعی اور بجلی قانون کے خلاف احتجاج کررہے لفٹ کارکنان پر پولیس کی جانب سے لاٹھی چارج کی گئی جس میں متعدد افراد زخمی ہو گئے۔

مغربی بنگال کے دارالحکومت کولکاتا سے متصل ضلع ہاوڑہ میں زرعی اور بجلی قوانین کو واپس لینے کے مطالبات کو لے کر آج لفٹ فرنٹ کے حامیوں نے احتجاج کیا۔

اس دوران لفٹ فرنٹ کے حامیوں نے احتجاجی جلوس کے ساتھ ہوڑہ میٹرو چینل پہنچ کر ضلع انتظامیہ کے دفتر میں داخل ہونے کی کوشش کی، اس دوران پولیس نے حالات پر قابو پانے کے لئے لفٹ فرنٹ کے حامیوں پر لاٹھی چارج کیا جس کے نتیجے میں متعدد افراد زخمی ہو گئے۔

اس سلسلے میں پولیس کا کہنا ہے کہ مظاہرین نے بریکیڈ کو توڑ کر دفتر میں داخل ہونے کی کوشش کی انہیں روکنے کے لئے طاقت کا استعمال کیا گیا۔

لفٹ فرنٹ کے رہنما سیوکمار ساہا نے احتجاج کے دوران کہا کہ زرعی اور بجلی قوانین کے خلاف احتجاج کا سلسلہ جاری رہے گا۔

انہوں نے کہا کہ بی جے پی کی قیادت والی مرکزی حکومت نے یکے بعد دیگرے متنازعہ پالیسی غریب عوام پر زبردستی تھوپنے کی کوشش کر رہی ہے جسے قبول نہیں کیا جائے گا۔