حسین جہاں کو دھمکی دینے والا نوجوان گرفتار

پولیس نے بھارتی کرکٹر محمد سمیع کی بیوی حسین جہاں کو دھمکی آمیز فون کال کرنے والے نوجوان کو گرفتار کرلیاہے ۔

مغربی بنگال کے دارالحکومت کولکاتا سے متصل جادب پور تھانے کی پولیس نے ایک نوجوان جو بھارتی کرکٹر محمد سمیع کی بیوی کو دھمکی آمیز فون کال کرتا تھا اسے گرفتار کرلیا ہے۔

پولیس نے کہا کہ دو روز قبل حسین جہاں نے نامعلوم شخص کے خلاف فون کال کرکے دھمکی دینے کی شکایت درج کرائی تھی.

حسین جہاں کی شکایت پر کارروائی کرتے ہوئے جنوبی 24 پرگنہ کے کینگ تھانہ علاقے سے ملزم کو گرفتار کر لیا گیا۔

پولیس کا کہنا ہے کہ گرفتار نوحوان کی شناخت دیب راج کے طور پر ہوئی ہے.

وہ کینیگ تھانہ علاقے کا رہنے والا ہے. اس کے دوسرے ساتھی کی تلاش جاری ہے.

پولیس نے کہا کہ گرفتار نوجوان سے پوچھ گچھ کے دوران پتہ چلا کہ وہ دو نمبروں سے فون کرکے حسین جہاں کو ڈراتا دھمکاتا تھا. ذرائع کے مطابق حسین جہاں جادب پور کے ایک فلیٹ میں رہتی ہے. ان کے گھر میں ایک ملازمہ کام کرتی ہے۔

پولیس کو شبہ ہیکہ حسین جہاں کا نمبر ملازمہ کے ذریعہ نوجوان تک پہنچا ہو گا ۔ پولیس پورے معاملے کی تفتیش کر رہی ہے۔ دوسرے ملزم کی تلاش جاری ہے۔