مغربی بنگال میں گذشتہ 72 گھنٹوں سے موسلادھار بارش کا سلسلہ جاری ہے۔ پیر کی شام سے جاری بارش اب تک جاری ہے۔ گذشتہ روز ہفتے کی رات صبح ساڑھے چار بچے کے قریب بارش شروع ہوئی تھی، جو اب تک جاری ہے۔ اس سے عام زندگی پوری طرح سے درہم برہم ہو کر رہ گئی ہے۔
کولکاتا: مسلسل بارش کی وجہ سے عام زندگی درہم برہم
ذرائع کے مطابق شمالی 24 پرگنہ، جنوبی 24 پرگنہ، ہوڑہ، ہگلی اور ندیا، مرشدآباد، مالدہ، سلی گوڑی اور دارجلنگ میں موسلادھار بارش کے سبب رہائشی علاقے بارش کے پانی سے زیر آب ہو چکے ہیں۔
ریاست میں کولکاتا اور اس سے متصل اضلاع بالخصوص مسلم اکثریتی علاقوں کا بہت برا حال ہے۔ بارش کا پانی جمع ہونے سے ٹریفک نظام بھی پوری طرح سے متاثر ہوچکا ہے۔
مسلسل بارش کے سبب سبزی فروشوں، فٹ پاتھ پر دکان لگانے والوں اور چھوٹے تاجروں کو زبردست مالی نقصان کا سامنا کرنا پڑ رہا ہے۔