جنوبی 24 پرگنہ: پانی کی نکاسی کے نظام کو بہتر بنانے کا مطالبہ

جنوبی 24 پرگنہ کے مسلم اکثریتی اسمبلی حلقہ کیننگ علاقے میں بارش کا پانی جمع ہونے پر مقامی باشندوں میں ناراضگی پائی جارہی ہے۔ مقامی باشندوں نے پانی کے نکاسی کے نظام کو بہتر بنانے کا مطالبہ کیا ہے۔

جنوبی 24 پرگنہ کے مسلم اکثریتی اسمبلی حلقہ کیننگ علاقے میں بارش کا پانی جمع ہونے پر مقامی باشندوں نے احتجاج کرتے ہوئے سڑک کی ناکہ بندی کردی اور پانی کے نکاسی کے نظام کو بہتر بنانے کا مطالبہ کیا۔ مقامی باشندوں کا کہنا ہے کہ نکاسی کا نظام خراب ہونے کی وجہ سے ہر برس مانسون کے سیزن میں علاقوں میں بارش کا گندے پانی جمع رہتا ہے جس سے بڑی دشواریوں کا سامنا کرنا پڑتا ہے'۔

انہوں نے کہا کہ بارش کے پانی سے بیشتر علاقے زیر آب ہیں۔ بارش کا پانی نکلنے میں کئی دن لگ جاتا ہے۔ میونسپلٹی کی جانب سے پانی نکالنے کا کام صحیح طریقے سے نہیں کیا جاتا ہے۔ میونسپلٹی اور پنچایت کے انجینیئر کا کہنا ہے کہ عوام کی شکایت دور کرنے کی ہر ممکن کوشش کی جارہی ہے۔ اس میں وقت لگے گا لیکن کام درست ہوگا۔' انہوں نے مزید کہا کہ علاقے میں بارش کے پانی جمع ہونے کی کئی وجوہات ہیں۔ اس کو سمجھنے کی ضرورت ہے۔ سمندر کا پانی تمام بڑے نالوں کے ذریعہ رہائشی علاقوں میں داخل ہوجاتا ہے۔ اسے روکنے کی کوشش کی جارہی ہے۔'