مغربی بنگال کے وزیر پارتھو چٹرجی نے کہا کہ لاک ڈاؤن ختم ہونے کے بعد ہی جیسے ہی صورتحال معمول پر آئے گی مدھیامک امتحان کے نتائج کا اعلان کردیا جائے گا۔
کورونا سے نمٹنے کے لئے 3 مئی تک ملک بھر میں لاک ڈاؤن جاری ہے۔ اگر صورتحال بہتر ہوتی ہے تو مرکزی حکومت نے اشارہ دیا ہے کہ 3 مئی کے بعد لاک ڈاؤن میں آہستہ آہستہ نرمی لائی جائے گی۔
وزیرا علیٰ ممتا بنرجی نے واضح اشارہ دیا ہے کہ لاک ڈاؤن کی مدت میں 21 مئی تک توسیع کی جائے گی۔ممتا حکومت نے پہلے ہی تمام تعلیمی اداروں کو 10جون تک بند کرنے کا فیصلہ کرچکی ہے۔تاہم وزیر تعلیم کا خیال ہے کہ اس سے قبل سیکنڈری کے نتائج حاصل کرنا ممکن ہوگا۔
پارتھو چٹرجی نے کہا کہ کاپی جانچنے کا عمل مکمل ہوچکا ہے او اب آخری مرحلے میں نتائج شائع کرنے کی تیاریاں ہیں۔انہوں نے کہا کہ بارہویں اور دیگر امتحانات لاک ڈاؤن ختم ہونے کے بعد منعقد ہوگا۔
