ُہُگلی میں پرامن ووٹنگ جاری

مغربی بنگال کے 7 سیٹوں پر بھی ووٹنگ جاری ہے۔ مغربی بنگال کی بیرکپور پارلیمانی حلقے پر سب کی نظریں ہیں جہاں ترنمول کانگریس اور بی جے پی میں براہ راست مقابلہ ہے۔ بی جے پی اور ترنمول کانگریس ایک دوسرے پر الزام تراشیاں کر رہے ہیں۔

مغربی بنگال کے ہگلی پارلیمانی حلقے میں ای ٹی وی بھارت نے رائے دہندگان سے بات چیت کی۔ ہگلی پارلیمانی حلقے کے بھدریشور بوتھ 230،231اور 229 کے ووٹرز کا کہنا ہے کہ یہاں پر ووٹنگ پر امن طور پر ہو رہی ہے کسی طرح کا کوئی ناخوشگوار واقعہ پیش نہیں آیا ہے۔

ترنمول کانگریس کے ایک حمایتی نے بتایا کہ ہگلی میں براہ راست مقابلہ سی پی آئی ایم اور ترنمول کانگریس کے درمیان ہے۔

واضح ہو کہ ہگلی پارلیمانی حلقہ سے بی جے پی نے اداکارہ لاکٹ چٹرجی کو میدان میں اتارا ہے۔ بی جے پی بھی اس سیٹ پر جیت کا دعویٰ کر رہی ہے. ایک ووٹر نے کہا کہ ملک کو ایسی حکومت چاہئے جو سیکولر ہو جس کی نظر سب پر برابر ہوں۔