Asansol Railway School Decision to Close: ریلوے اسکول بند کرنے کے خلاف والدین کا احتجاج

مشرقی بردوان کے مسلم اکثریتی علاقہ آسنسول میں واقع ریلوے اسکول کو بند کرنے کے فیصلے کے خلاف آج اسکول میں تعلیم حاصل کرنے والے بچوں کے والدین نے ریلوے انتظامیہ کے خلاف جم کر احتجاج کیا۔ Parents protest against Decision to Close Railway School

مغربی بنگال میں مشرقی بردوان کے مسلم اکثریتی علاقہ آسنسول میں واقع ریلوے اسکول کو بند کرنے کے فیصلے کے خلاف آج بچوں کے والدین نے جم کر احتجاج کیا اور سڑک جام کردی جس سے آمدرفت متاثر ہوگئی۔

معاملے کی اطلاع ملتے ہی جائے وقوع پر پہنچی پولیس نے حالات کا جائزہ لیا اور احتجاجیوں کو سڑک سے ہٹانے کی کوشش کی تاکہ گاڑیوں کی آمد و رفت بحال کیا جاسکے لیکن پولیس کو ناکامی ہاتھ لگی، تاہم سڑک پر گھنٹوں تک احتجاج کا سلسلہ جاری رہا۔ Parents protest against Decision to Close Railway School

اس سلسلے میں بچوں کے والدین نے بتایا کہ ریلوے اسکول بند کرنے کے اچانک لئے گئے فیصلے سے ان کے بچوں کے مستقبل پر خطرہ منڈلانے لگا ہے، ان کا کہنا ہے کہ ہمارے بچے کہاں جائیں گے، ان کے مستقبل کا کیا ہوگا، اس کو لے کر غیر یقینی صورتحال پیدا ہوگئی ہے۔ اس لیے ریلوے انتظامیہ جب تک اسکول بند کرنے کا فیصلے واپس نہیں لیتی ہے تب تک ہمارا احتجاج جاری رہے گا۔

مزید پڑھیں:

والدین کے مطابق وہ اپنے بچوں کے بہتر مستقبل کے لئے کچھ بھی کرسکتے ہیں ضرورت پڑی تو وہ روزانہ سڑکوں کی ناکہ بند کریں گے تاکہ ان کی باتیں انتظامیہ تک پہنچ سکے۔