حزب اختلاف کے رہنما کی گورنر جگدیپ دھنکر سے ملاقات

مغربی بنگال اسمبلی میں حزب اختلاف کے رہنما شھبندو ادھیکاری آج راج بھون پہنچے اور گورنر جگدیپ دھنکر سے ملاقات کی. شھبندو ادھیکاری نے گورنر جگدیپ دھنکر سے ملاقات کر کے ریاست میں جاری سیاسی تصادم سے متعلق رپورٹ پیش کی۔

ملاقات کے دوران گورنر جگدیپ دھنکر اور حزب اختلاف کے رہنما شھبندو ادھیکاری کے درمیان ریاست کی موجودہ صورتحال پر تبادلہ خیال کیا گیا۔

بی جے پی کے رہنما نے کہا کہ گورنر جگدیپ دھنکر سے ملاقات کے دوران ریاست کی موجودہ صورتحال کو لے کئی اہم موضوع پر تبادلہ خیال کیا گیا۔ ان میں دو سب سے اہم موضوع ایک ریاست میں جاری سیاسی تصادم اور دوسرا طوفان سے متاثر علاقوں میں راحت رسائی کے کام قابل ذکر ہے۔

بی جے پی کے رہنما کا کہنا تھا کہ ریاست میں جاری سیاسی تصادم کو لے کر ایک رپورٹ پیش کی گئی ہے۔ اور گورنر سے اپیل کی یےکہ بی جے پی کے کارکنان کی سکیورٹی کو یقینی بنایا جائے۔

دوسری طرف گورنر جگدیپ دھنکر نے اپنے ٹویٹر اکاونٹ حزب اختلاف کے رہنما سے ملاقات کی تصویر شئیر کرتے ہوئے اس کی تفصیلی معلومات دی۔

گورنر جگدیپ دھنکر نے ٹویٹ کرتے لکھا کہ حزب اختلاف کے رہنما سے ملاقات ہوئی ہے. ریاست میں جاری سیاسی تصادم سے متعلق رپورٹ پر آگے کارروائی کی جائے گی۔