TMC Twitter Account hacked ترنمول کانگریس کے آفیشل ٹویٹر ہینڈل پر سائبر حملہ

ترنمول کانگریس کے آفیشل ٹوئٹر ہینڈل پر سائبر حملہ ہونے کی اطلاع ہے۔مانا جا رہا ہے کہ ہیکرز نے آل انڈیا ترنمول کانگریس کے ٹویٹر اکاؤنٹ پر حملہ کیا اور اس کا نام اور لوگو دونوں بدل دیا Official Twitter handle of All India Trinamool Congress hacked

کولکاتا:مغربی بنگال کی حکمراں جماعت ترنمول کانگریس کا آفیشل ٹویٹر ہینڈل ہیک کرکے تصویر اور لوگو کو تبدیل کر دیا گیا ہے ۔ابتدائی طور پر ایسا لگتا ہے کہ آل انڈیا ترنمول کانگریس کا ٹویٹر اکاؤنٹ ہیک کر کے نام بدلا گیا ہے۔ ترنمول کانگریس پارٹی کا نام بدل کرکے یوگا لینز کردیا گیا ہے۔

ترنمول کانگریس کے ٹویٹر پر دیدی کی سروکشہ کباچ کے بارے میں ایک ٹویٹ دیکھا گیا ہے۔ اس میں لکھا ہے کہ دیدی کی پروٹیکشن شیلڈ بنگال کے ہر باشندے کے لئے ایک بہت بڑی کوشش ہے۔ دیدی کا سروکشہ کبچ ان کی بنیادی ضروریات کو محفوظ بنانے کے لئے ذمہ دار ہے۔ دیدی کی پارٹی کے اراکین ہر ترقی اسکیم کو ریاست کے تمام اضلاع کے گھر گھر تک پہنچانے کی کوشش کر رہے ہیں۔ ترنمول کانگریس کے لوگو کی جگہ کالے رنگ میں Y لکھا ہے۔

تاہم ترنمول کانگریس نے ابھی تک اس پر کوئی بیان نہیں دیا ہے۔غورطلب ہے کہ گزشتہ سال اپریل میں اتر پردیش کے وزیر اعلیٰ کے دفتر (سی ایم او) کا ٹوئٹر اکاؤنٹ ہیک کر لیا گیا تھا۔ یہ معاملہ اس وقت سامنے آیا جب ہیکرز نے اتر پردیش کے وزیر اعلیٰ کے ٹوئٹر ہینڈل پر پوسٹ کیا۔ اس میں لکھا تھا، "ٹویٹر پر اپنے BAYC/MAYC کو کیسے متحرک کریں؟"

دوسری طرف ترنمول کانگریس کے رکن پارلیمان ڈریک اوبرائن نے کہاکہ ٹوئٹر ہینڈل پر کام جاری ہے،امید کرتے ہیں اس پر بہت جلد قابو پالیا جائے گا۔انہوں نے کہاکہ اس پر زیادہ کچھ کہا نہیں جا سکتا ہے۔