نصرت جہاں اور نکھل کی شادی غیر قانونی

بنگالی اداکارہ نصرت جہاں اور کاروباری نکھل جین کی شادی کو عدالت کے ذریعہ غیر قانونی قرار دئیے جانے کے بعد نکھل جین نے کہا کہ ' یہ میری سالگرہ کا بہترین تحفہ ہے'۔

علی پور کورٹ نے ترنمول کانگریس کی رکن پارلیمان نصرت جہاں اور نکھل جین کی شادی کو غیرقانونی قرار دے دیا ہے۔

خیال رہے کہ نصرت جہاں نے پہلے ہی کہا تھا کہ ان کی نکھل جین سے شادی ترکی میں ہوئی تھی وہ شادی ہندوستانی میرج ایکٹ کے تحت رجسٹرڈ نہیں ہوئی ہے اس لئے شادی غیر قانونی ہے۔ تاہم علی پور کورٹ کا فیصلہ آنے کے بعد نصرت جہاں کے شوہر نکھل جین نے کہا کہ میرے یوم پیدائش کا اس سے بڑھ کر تحفہ نہیں ہوسکتا ہے۔یہ ”سالگرہ کا بہترین تحفہ“۔ہے۔

نکھل کے الفاظ میں، ”میں نے جو مقدمہ دائر کیا تھا وہ جیت گیا ہوں۔ میں اپنی سالگرہ پر یہ خبر پا کر بہت خوش ہوں۔ صرف میں ہی نہیں میرے والد بھی بہت خوش ہیں۔ نصرت کے سابق شوہر نے کہا کہ دونوں کے درمیان تمام قانونی تعلقات منقطع کر دیے ہیں۔

یواین آئی