روڈ بلاک کرکے کرسمس پر کیک تقسیم کرنے کی اجازت دینے سے عدالت کا انکار

Calcutta HC on Christmas Cake ترنمول کے ایک کونسلر نے کرسمس کے موقعے پر کیک تقسیم کرنے کا منصوبہ بنایا ہے۔ اس موقعے پر کلکتہ کے میئر اور ریاستی وزیر فرہاد حکیم مہمان بننے والے تھے۔ تاہم جمعرات کو کلکتہ ہائی کورٹ نے اس پروگرام کی اجازت دینے سے انکار کردیا۔

کولکاتا: اس کیس کی سماعت چیف جسٹس ٹی ایس شیوگنم کی سربراہی میں ہائی کورٹ کی ڈویژن بنچ نے کی۔ سماعت کے دوران چیف جسٹس نے کہا کہ کرسمس کوئی ریاستی تقریب نہیں ہے۔ کیک دینا چاہتے ہیں تو کچی آبادی میں جا کر تقسیم کریں۔ کیک تقسیم کرنے کا پروگرام 25 دسمبر کو جودھ پور پارک علاقے میں ہونے والا تھا۔ کلکتہ میونسپلٹی کے وارڈ نمبر 93 کی کونسلر موشومی داس کی پہل پر اس تقریب کا انعقاد کلب ڈیولپمنٹ کوآرڈینیٹنگ کونسل نے کیا تھا۔ میئر فرہاد کے علاوہ ترنمول کانگریس کی ممبر پارلیمنٹ مالا رائے اور دیگر لیڈروں نے کچی آبادی کے لڑکوں اور لڑکیوں کو کیک دینے کی تقریب میں شرکت کرنی تھی۔ لیکن اس پر مقامی لوگوں میں سے کچھ لوگوں نے اعتراض کیا۔

کلکتہ ہائی کورٹ میں ایک مقدمہ دائر کیا گیا تھا جس میں کہا گیا تھا کہ روڈ بلاک کرکے پروگرام کیا جا رہا ہے۔ جمعرات کو چیف جسٹس شیوگنم اور جسٹس ہیرنموئے بھٹاچاریہ کی ڈویژن بنچ کے سامنے کیس کی سماعت ہوئی۔ وہیں عدالت نے سڑک بلاک کرنے اور اس پروگرام کو انجام دینے کی دلیل سے اتفاق کیا۔ چیف جسٹس کے مطابق روڈ بلاک کر کے یہ تقریب نہیں ہو سکتی۔سماعت کے دوران چیف جسٹس نے ریمارکس دیے کہ کچی آبادیوں میں جا کر یہ تقریب کریں۔ کرسمس کوئی سرکاری تقریب نہیں ہے۔

یو این آئی