مغربی بنگال میں شمالی 24 پرگنہ کے بیرکپور میں ترنمول کانگریس کنوینر سومناتھ شیام نے ای ٹی وی بھارت سے گفتگو کرتے ہوئے ریاست کی موجود سیاسی صورتحال پر بی جے پی سمیت دیگر جماعتوں کی جم کر تنقید کی۔
انہوں نے کہا کہ سب سے پہلے اس بات کو واضح طور کہنا لازمی ہے کہ مغربی بنگال میں ہندو مسلم کے نام پر سیاست کرنے والوں کے لئے کوئی جگہ نہیں ہے۔ یہاں ہندو مسلم کے نام پر سیاست نہیں کی جا سکتی ہے کیونکہ یہاں تمام مذاہب کے لوگ مل جل کر رہتے ہیں۔
انہوں نے کہا کہ مذاہب کے نام پر سیاست کرنے والوں کو بنگال کی عوام پسند نہیں کرتی ہے بنگال میں برسوں سے یہ سلسلہ چلتا آ رہا ہے۔سومناتھ شیام نے کہا کہ ممتا بنرجی کے دور اقتدار میں مسلمانوں کے ساتھ ساتھ تمام مذاہب کے لوگوں کو ترقی کرنے کا یکساں موقع فراہم کیا گیا ہے، یہاں ترقیاتی کاموں کو مذاہب کے نام پر تقسیم نہیں کر سکتے ہیں۔ گزشتہ دس برسوں سے ریاست میں رہنے والوں کی ترقی کے لئے کام کیا جا رہا ہے اور مستقبل میں بھی یہ سلسلہ جاری رہے گا۔مزید پڑھیں: اقلیتی طبقے کی سکیورٹی ممتا بنرجی کے ہاتھوں میں محفوظ: رکن اسمبلی رفیق الرحمان
سومناتھ شیام نے کہا کہ کانگریس لفٹ فرنٹ اور عباس صدیقی کی پارٹی انڈین سیکولر فرنٹ کے درمیان اتحاد سے ترنمول کانگریس پر ذرا سا بھی فرق پڑنے والا نہیں ہے۔ انہوں نے کہا کہ 2019 اسمبلی انتخابات میں بام کی وجہ سے رام کو کامیابی ملی تھی. اس پر پردہ ڈالا نہیں جا سکتا ہے۔
