کورونا کے خطرے کے باوجود کولکاتا میں نئے سال کا جشن

کورونا وائرس کے خطرے کے باوجود مغربی بنگال کے دارالحکومت کولکاتا اور اس کے اطراف میں پولیس کی نگرانی میں نئے سال کا جشن منایا گیا۔

ملک کی دوسری ریاستوں کی طرح مغربی بنگال بھی کورونا وائرس کی وبا کی زد میں ہے۔ اس کے باوجود یہاں سب کچھ معمول کے مطابق انجام پا رہا ہے۔

کورونا وائرس کے خطرے کے باوجود ریاست کے دارالحکومت کولکاتا اور اس کے اطراف میں کولکاتا پولیس کی نگرانی میں نئے سال کا جشن منایا گیا۔

کولکاتا کے پارک اسٹریٹ میں 31 دسمبر کی رات لوگوں کا کافی ہجوم دیکھنے کو ملا۔ تمام لوگوں نے کورونا گائڈ لائن کے تحت نئے سال کا شاندار انداز میں استقبال کیا۔

کولکاتا پولیس کی جانب پارک اسٹریٹ اور اس کے اطراف میں سکیورٹی کے بہترین انتظامات کیے گئے تھے۔

یکم جنوری کو بھی دارالحکومت کولکاتا اور اس کے اطراف میں نئے سال کا جشن منانے والوں کی زبردست بھیڑ دیکھنے کو ملی۔

کولکاتا کے وکٹوریہ میموریل، چڑیا گھر، انڈین میوزیم، برلا پلنٹریم، سائنش سٹی سمیت تمام تفریحی مقامات میں لوگوں کی زبردست بھیڑ امڈی۔

کورونا کے خطرے کے باوجود کولکاتا میں نیے سال کا جشن

تمام تفریحی مقامات پر کولکاتا پولیس کی جانب سے سکیورٹی کے سخت انتظامات کیے گئے تھے۔ اس کے علاوہ کورونا گائڈ لائن پر سختی سے عمل کرنے کے لئے کیمپ بھی لگائے گئے تھے۔

تفریحی مقامات پر موجود لوگوں نے نئے سال کے جشن کا خوب لطف اٹھایا۔

لوگوں کا کہنا ہے کہ پورے ملک میں احتیاطی تدابیر پر سب سے زیادہ مغربی بنگال میں ہی عمل ہوتا ہے۔ کورونا کے معاملوں میں کمی کی صورت میں اس کا نتیجہ بھی سامنے آنے لگا ہے۔