Naushad Siddiqui رکن اسمبلی نوشاد صدیقی نے ریاستی انتخابی کمیشن پر تنقید کی

جنوبی 24 پرگنہ کے بھانگوڑ سے انڈین سیکولر فرنٹ کے رکن اسمبلی نوشاد صدیقی نے پنچایت انتخابات کے لئے پرچہ نامزدگی داخل کرنے کے آخری دن خونی جھڑپوں میں آئی ایس ایف کے حامیوں کی موت کے لئے انتخابی کمیشن کو ذمہ دار ٹھہرایا۔

کولکاتا:مغربی بنگال میں پنچایت انتخابات کی تاریخ کے اعلان کے بعد پرچہ نامزدگی داخل کرنے کے دوران ریاست کے تمام اضلاع میں سیاسی جماعتوں کے درمیان بھیانک خونی جھڑپوں میں متعدد افراد ہلاک ہو گئے۔ اپوزیشن جماعتوں نے حکمراں جماعت ترنمول کانگریس اور انتخابی کمیشن کو ریاست میں تشدد کے واقعات کے لئے ذمہ دار ٹھہرایا ہے ۔اسی درمیان کلکتہ ہائی کورٹ نے بھی انتخابی کمیشن کی سرزنش کی ہے ۔

بھانگوڑ سے انڈین سیکولر فرنٹ کے رکن اسمبلی نوشاد صدیقی نے پنچایت انتخابات کے لئے پرچہ نامزدگی داخل کرنے کے آخری دن خونی جھڑپوں میں آئی ایس ایف کے حامیوں کی موت کے انتخابی کمیشن کو ذمہ دار ٹھہرایا ہے۔ انڈین سیکولر فرنٹ کے رکن اسمبلی اپنی پارٹی کے کارکنان کی موت کے بعد ریاستی انتخابی کمیشن کے سربراہ سے ملاقات کرنے کے مقصد سے دفتر پہنچے تھے لیکن آخری لمحہ میں ملنے کا ارادہ ترک کر دیا ۔

نوشاد صدیقی نے کہا کہ وہ الیکشن کمیشن سے ملاقات کرکے کے کیا کریں گے سب کچھ تو اسی کیا دھرا ہے۔گزشتہ چند دنوں سے ریاست میں جو کچھ بھی ہو رہا ہے اس کے لئے صرف اور صرف انتخابی کمیشن ذمہ دار ہے ۔کیونکہ اس کلکتہ ہائی کورٹ کا حکم نہیں مانا۔ انہوں نے کہا کہ چاروں طرف انارکی کے باوجود کمیشن خاموش ہے۔ اور کمیشن کی غیرذمہ دارانہ رویے کے سبب تین لوگوں کی جان چلی گئی ۔لوگوں کو سب کچھ سمجھ آ رہا ہے۔جو لوگ طاقت کی بدولت حکومت کرتے ہیں ان سے لوگ دور ہو جاتے ہیں ۔

ان کا کہنا ہے کہ سے وجہ سے وہ گزشتہ روز بدھ کو نوانا میں وزیر اعلیٰ کی عدالت میں پہنچ گئے۔ تاہم وزیر اعلیٰ نے اس دن ان سے ملاقات نہیں کی۔ نوشاد صدیقی نے یہ بھی شکایت کی کہ یہ موت پولیس انتظامیہ کی خاموشی کے باعث ہوئی۔