مرشدآباد:مغربی بنگال کے مرشدآباد کے رگھوناتھ پور تھانے کے تحت سدھرپورعلاقے میں واقع گھاٹ پر تین لڑکیاں نہانے کے لئے ندی میں اتری تھیں۔ تینوں لڑکیاں پانی کی تیز بہاؤ کی زد میں آ کر ڈوب گئیں۔three Girls drowned In Ganges While Bathing AT Murshidabad
دیکھتے ہی دیکھتے تین لڑکیاں ندی میں غرقاب ہوگئیں۔ مقامی باشندوں نے اس کی اطلاع رگھوناتھ پور تھانے کی پولیس کودی۔ پولیس نے جائے وقوع پر پہنچ کر حالات کا جائزہ لیا۔ابتدائی تفتیش کے دوران فائر بریگیڈ اور غوطہ خوروں کو اس کی اطلاع دی۔ ندی میں غرق ہونے والی لڑکیوں کی تلاش شروع کر دی گئی ۔
رگھوناتھ پور تھانے کی پولیس نے کہا کہ پورے معاملے کی تفتیش کی جا رہی ہے۔ پانچ لڑکے اور لڑکیاں ندی میں نہانے کے اترے تھے۔ پانی کی تیز بہاو کی زد میں آنے کے بعد تمام بچے ڈوبنے لگے۔ دو لڑکے کسی طرح پانی سے باہر نکلنے میں کامیاب ہو ئے لیکن تین لڑکیاں ڈوب گئیں۔