مغربی بنگال میں میونسپل کارپوریشن کے انتخابات جلد

وزیراعلیٰ ممتا بنرجی نے ریاست میں بلدیاتی انتخابات جلد کرانے کا اشارہ دیتے ہوئے اعلیٰ عہدیداروں کو اس کی تیاری کی ہدایت دی ہے۔

مغربی بنگال میں کورونا وائرس کی دوسری لہر پر مکمل طور سے قابو پانے کے بعد حالات میں تیزی سے بہتری آئی ہے وہیں محکمہ صحت کورونا کی تیسری سے نمٹنے کی بھی تیاری مکمل کرلی ہے۔

اسی درمیان مغربی بنگال کی وزیراعلیٰ ممتا بنرجی نے آج سیکریٹریٹ بلڈنگ نمبو میں کہا کہ 'ریاست میں حالات بہتر ہو رہے ہیں، یہ ایک مثبت پہلو ہے'۔

ممتا بنرجی نے سکریٹریٹ بلڈنگ میں نامہ نگاروں سے خطاب کرتے ہوئے کہا کہ 'ریاست میں بلدیاتی اور کارپوریشن کے انتخابات جلد کرائے جائیں گے۔

انہوں نے کہا کہ اس کے لئے متعلقہ اداروں کو ہدایت دیتے ہوئے کہا کہ اس کی تیاری جلد از جلد شروع کردئے جائیں، کیونکہ اس کو زیادہ دنوں تک ٹالا نہیں جا سکتا ہے۔

واضح رہے کہ کورونا وائرس کے سبب مغربی بنگال میں میونسپل کارپوریشن کا انتخابات گزشتہ دو برس سے التوا ہے، کارپوریشن میں چئیرمین اور کاونسلرز کی جگہ ایڈمنسٹریٹر اور کوآرڈینیٹر کام کاج سنبھال رہے ہیں۔