Rujira Banerjee At ED Office روجیرا بنرجی کی ای ڈی دفتر میں حاضری

شمالی 24 پرگنہ کے سالٹ لیک کے سی جی او کمپلیکس میں واقع انفورسمنٹ ڈائریکٹوریٹ دفتر میں رکن پارلیمان ابھیشیک بنرجی بیوی روجیرا بنرجی کوئلہ اسمگلنگ کے ایک معاملے میں حاضری دینے کے لیے پہنچیں جہاں سکیورٹی کے سخت انتظامات کیے گئے تھے۔

کولکاتا: مغربی بنگال میں مختلف بدعنوانیوں کے معاملے کے خلاف انفورسمنٹ ڈائریکٹوریٹ کی جانچ کا دائرہ ہو وسیع ہوتا جا رہا ہے۔ اسی سلسلے میں سی بی آئی کے سمن پر ترنمول کانگریس کے جنرل سیکریٹری اور رکن پارلیمان ابھیشیک بنرجی کی بیوی روجیرا بنرجی کو سی جی او کمپلیکس میں حاضر ہونا پڑا۔

ذرائع کے مطابق راجیرا بنرجی کالے شیشوں سے گھری گاڑی میں سی جی او پہنچی جہاں چند گھنٹوں تک ان سے پوچھ گچھ کی گئی۔ اس سے قبل ابھیشیک کی بیوی نے ای ڈی آفس جانے سے پہلے وکیل سے مشورہ کیا۔ انفورسمنٹ ڈائریکٹوریٹ کے ڈپٹی ڈائریکٹر پنکج کمار کی قیادت میں 5 رکنی ٹیم تشکیل دی گئی ہے۔ ایک ڈپٹی ڈائریکٹر اور دو اسسٹنٹ ڈائرکٹر کے رینک کے کل تین اہلکار جمعرات کو دہلی سے کولکاتہ پہنچے۔ ذرائع کے مطابق کوئلہ اسمگلنگ کیس میں راجیرا سے پوچھ گچھ کے لیے سوالنامے پہلے ہی تیار کر لیے گئے ہیں۔

غورطلب ہے کہ انہیں گذشتہ پیر کو دبئی جاتے ہوئے کولکاتا ہوائی اڈے پر محکمہ امیگریشن نے روک لیا تھا۔ رجیرا کو بتایا گیا کہ وہ بیرون ملک نہیں جا سکتی۔ حالانکہ اس سے قبل سپریم کورٹ نے کہا تھا کہ ان کے بیرون ملک سفر میں کوئی رکاوٹ نہیں ہے۔ اس کے بعد ای ڈی نے اسی دن انہیں سمن بھیجا تھا۔ اس سے قبل ای ڈی نے روجیرا کو کوئلہ اسمگلنگ کیس میں گزشتہ سال جون میں طلب کیا تھا۔ وہ اپنے بچے کو گود میں لے کر حاضر ہوئی تھی۔ پوچھ گچھ 6 گھنٹے تک جاری رہی۔ راجیرا کو دوبارہ CGO میں بلایا گیا۔ ذرائع کے مطابق ای ڈی کے ڈائریکٹر سنجے مشرا کچھ دن پہلے دہلی سے شہر آئے تھے۔