MP Abhishek Banerjee وزیر اعظم مودی من کی بات پر ابھیشیک بنرجی کا سوال

وزیر اعظم نریندر مودی کے ریڈیو پروگرام من کی بات کو 100 ویں قسط کے مکمل ہونے پرجشن کے انعقاد پر تنقید کرتے ہوئے ترنمول کانگریس کے رکن پارلیمان ابھیشیک بنرجی نے غریبوں اور مزدوروں کی محرومی کا سوال اٹھاتے ہوئے کہا کہ لوگوں کے سر پر چھت، بدن پرکپڑے اور ان کے پاس دو وقت کی رووٹی نہیں ہے۔ اس سب سے بے فکر ہوکر وزیر اعظم پورے ملک میں من کی بات کر رہے ہیں۔

کولکاتا: مغربی بنگال کی حکمراں جماعت ترنمول کانگریس کے قومی جنرل سیکریٹر ابھیشیک بنرجی نے شمالی دیناج پور میں کرن دیگھی میٹنگ میں عام لوگوں سے ترنمول لیڈروں اور کارکنوں کو کئی پیغامات دیے۔ تاہم انہوں نے مرکز میں نریندر مودی کی حکومت کی پالیسیوں کی سخت تنقید کی۔ گزشتہ اتوار کو وزیراعظم کے ریڈیو پروگرام من کی بات کی 100ویں قسط تھی۔ اس موقع پر بی جے پی نے ملک بھر میں خصوصی انتظامات کیے۔

گذشتہ روز اس موقعے پر بنگال بی جے پی کی جانب سے بھی خصوصی پروگرام کا انعقاد کیا گیا۔ ان میں سب سے بڑا پروگرام اپوزیشن لیڈر شوبھندو ادھیکاری کے نندی گرام اسمبلی میں منعقد کیا گیا۔ رکن پارلیمان ابھیشیک بنرجی نے مودی کے اس پروگرام کا مذاق اڑایا۔ ان کا دعویٰ ہے کہ جہاں مغربی بنگال کے لوگوں کو 100 دن کے پیسے سے محروم کیا جا رہا ہے، وہیں وزیر اعظم نریندر مودی من کی بات'کے 100ویں ایپی سوڈ میں مصروف ہیں۔

ترنمول کانگریس کے جنرل سیکریٹری اور رکن پارلیمان ابھیشیک بنرجی نے کہا کہ بنگال کے لوگوں کو چاول اور روٹی نہیں مل رہی، جب کہ وزیر اعظم من کی بات سن رہے ہیں۔ترنمول کانگریس نے پنچایت انتخابات سے پہلے 25 اپریل سے ایک خصوصی پروگرام شروع کیا ہے۔ جنوبی 24 پرگنہ کے ڈائمنڈ ہاربر سے ٹی ایم سی کے رکن پارلیمان ابھیشیک بنرکی کا یہ یاترا کوچ بہار سے شروع ہو کر مغربی بنگال کے ہر ضلع میں پہنچے گا۔ اس پروگرام کا بنیادی مقصد لوگوں کی رائے کی بنیاد پر پنچایتوں میں ترنمول کے امیدواروں کا انتخاب کرنا ہے۔