Litichoka Programme لٹی چوکھا پروگرام میں ابھیشک بنرجی اور شترگھن شنہا کی شرکت

مغربی بردوان ضلع کے جموڑیہ میں ترنمول کانگریس کے جنرل سیکرٹری اور رکن پارلیمان ابھیشیک بنرجی نے عوامی جلسے کے دوران بہار کے مشہور لٹی چوکھا کے ذائقے سے لطف اندوز ہوئے۔ اس موقعے رکن پارلیمان اور اداکار شتروگھن سنہا بھی موجود تھے۔

بردوان: مغربی بنگال کے ضلع بردوان کے صنعتی خطہ جموڑیہ میں ترنمول کانگریس کے قومی جنرل سیکرٹری ابھیشیک بنرجی عوامی میٹنگ کی۔ علاقے کے مسائل پر مقامی باشندوں سے بات چیت کی۔ اسی درمیان نیو کنڈا فٹ بال گراؤنڈ میں لٹی چوکھا کھانے کی تقریب کا اہتمام کیا گیا۔ رکن پارلیمان ابھیشیک بنرجی نے کہا کہ وہ یہاں جلسہ جلوس کو خطاب کرنے نہیں بلکہ لٹی چوکھا کھانے آئے ہیں۔ مقامی باشندوں کے درمیان بیٹھ کر اس کا لطف اٹھانے آیا ہوں۔

واضح رہے کہ ہری رام سنگھ جموریہ کے ایم ایل اے ہیں۔ میٹنگ کے اختتام پر ابھیشیک کو بہاری بابو یعنی شتروگھن سنہا اور دیگر کے ساتھ لٹی چوکھا کھاتے ہوئے دیکھا گیا۔ اس موقعے پر ابھیشیک بنرجی نے کہا کہ مقامی باشندوں سے بات چیت کرنے کے بعد پتہ چلا کہ یہاں فائر بریگیڈ اسٹیشن کی ضرورت ہے ۔ہم فائر بریگیڈ وزیر سے بات چیت کرکے اس مسئلے کا حل جلد نکالیں گے۔

آسنسول کے رکن پارلیمان شتروگھن سنہا نے کہا کہ مغربی بنگال میں ترنمول کانگریس کی حکومت عوام کی خدمت کے لئے اقتدار میں آئی ہے۔ہر حال میں عوام سے کئے گئے وعدوں کو نبھایا جائے گا۔ ریاستی پنچایت اور دیہی ترقی کے وزیر پردیپ مجمدار، ایم ایل اے ہررام سنگھ اور دیگر اس عوام میں موجود تھے۔ نوجوا پروگرام کی میٹنگ کو خطاب کرتے ہوئے ابھیشیک نے نوبو جوار مہم کو لوگوں نے ہاتھوں ہاتھ لیا ہے۔لوگوں کی اس مہم میں دلچسپی دیکھ کر بے حد خوشی ہوئی۔