موہن بگان سپر جائنٹ نے آئی ایس ایل میں حیدرآباد ایف سی کو 2-0 سے شکست دی

انڈین سپر لیف کے ایک اہم اور سنسن ی خیز میچ میں موہن بگان سپر جائنٹ کی ٹیم حیدرآباد ایف سی کو 0۔2 گول سے شکست دے کر جیت کی راہ پر دوبارہ واپس آنے میں کامیاب رہی۔

کولکاتا:موہن بگان سپر جائنٹ نے انڈین سپر لیگ (آئی ایس ایل) میں دوسرے ہاف میں کئے گئے دو گول کی بدولت حیدرآباد ایف سی کو 2-0 سے شکست دے دی۔ مرینرز کو اس ہفتے کے شروع میں گھریلو میدان پر اڈیشہ ایف سی کے خلاف 5-2 سے شکست کا سامنا کرنا پڑا تھا۔ اڈیشہ کے ہاتھوں شکست کے بعد موہن بگان کی کارکردگی کو لے کر سوال اٹھنے لگے تھے۔

آج کے کھیل میں ہیمل نے 85ویں منٹ میں اسکورنگ کا آغاز کیا اور رائے نے 96ویں منٹ میں گول کرکے مرینرز کی جیت پکی کردی، اس ٹورنامنٹ میں موہن بگان سپر جائنٹ کی یہ پانچویں جیت ہے۔ حیدرآباد ایف سی کا اگلا مقابلہ نارتھ ایسٹ یونائیٹڈ ایف سی سے 10 دسمبر کو گوہاٹی میں ہوگا، جبکہ موہن بگان سپر جائنٹس کا مقابلہ 6 دسمبر کو سالٹ لیک اسٹیڈیم میں اڈیشہ ایف سی سے ہوگا۔

حیدرآباد ایف سی کے تھانگبوئی سنگل نے کہاکہ موہن بگان کے بارے میں بات کرتے ہوئے، مجھے لگتا ہے کہ یہ ستاروں کی ٹیم ہے، لیکن میں نے اڈیشہ ایف سی کے خلاف ان کا میچ دیکھا اور مجھے لگتا ہے کہ ان کے ساتھ کھیلنے کا یہ اچھا وقت ہے۔" ان کے پاس بہت اچھے کھلاڑی ہیں، شروعات میں بھی اور بینچ پر بھی۔