کولکاتا:مغربی بنگال کے شمالی 24 پرگنہ کے بدھان نگر میں واقع سالٹ لیک اسٹیڈیم میں 14 مئی کو یعنی ہفتہ کی رات محمڈن اسپورٹنگ اور دفاعی چیمپئن گوکلم کیرالہ ایف سی کے درمیان آئی لیگ 22-2021 سیزن کا خطابی میچ کھیلا جائے گا۔ میزبان محمڈن اسپورٹنگ اور دفاعی چیمپئن گوکلم کیرالہ ایف سی کی ٹیمیں خطابی جنگ میں اپنی جیت کو یقینی بنانے کے لئے تیاریوں میں مصروف ہیں۔ ای ٹی وی بھارت سے خصوصی گفتگو کرتے ہوئے شیخ فیضل نے کہا کہ دس برسوں میں یہ پہلا موقع جب کولکاتا کی کسی ٹیم کے سامنے آئی لیگ جیتنے کا سنہرا موقع ملا ہے اسے کسی بھی قیمت پر ہاتھوں سے جانے نہیں دیں گے Mohammedan Sporting players strive for victory۔
شیخ فیصل نے کہا کہ محمڈن اسپورٹنگ کے سر پر آئی لیگ کا خطاب سجانے کے لئے اپنی پوری طاقت جھونک دیں گے۔ انہیں یقین ہے کہ اللہ انہیں ان کے مقصد میں کامیاب بنائیں گے۔ انہوں نے کہا کہ ہوم میدان میں کھیلنے کا بھرپور فائدہ اٹھانے کی کوشش کریں گے کیونکہ سالٹ لیک اسٹیڈیم میزبان ٹیم کے شیدائیوں سے بھرا رہے گا اس سے ہمیں نفسیاتی ایڈوانٹیج مل سکتا ہے۔
ان کا کہنا ہے کہ انہیں یقین ہے کہ فائنل میچ کی شام شیدائیوں کی ایک بڑی تعداد ہماری ٹیم کی حوصلہ افزائی کے لئے اسٹیڈیم میں موجود ہو گی۔