شمالی 24 پرگنہ: مغربی بنگال کے شمالی 24 پرگنہ کے نئی ہٹی میں واقع فٹبال اسٹیڈیم میں آئی لیگ کے ایک اہم میچ محمڈن اسپورٹنگ اور نیروکا ایف سی کی ٹیمیں نبرد آزما ہوئیں۔دونوں ٹیموں نے جارحانہ انداز میں کھیل کا مظاہرہ کرتے ہوئے ایک دوسرے پر برتری حاصل کرنے کی کوشش کی ۔دونوں جانب سے دلچسپ تحریکیں دیکھنے کو ملیں۔
کھیل کے 19ویں منٹ پر ڈیوڈ لالسنگھا نے گول کرکے محمڈن اسپورٹنگ کو ایک صفر کی برتری دلانے میں اہم رول ادا کیا ۔ حریف ٹیم میچ میں واپس آنے کی کوشش مصروف تھی اسی وقت کھیل کے 30 ویں منٹ پر ریمسنگھا نے گول کرکے محمڈن اسپورٹنگ کی برتری 2-0 کر دیا ۔پہلے ہاف میں محمڈن اسپورٹنگ کی دو صفر کی برتری برقرار رہی۔
دوسرے ہاف میں حریف ٹیم نیروکا ایف سی نے جارحانہ انداز میں کھیل کا مظاہرہ کرتے ہوئے میزبان ٹیم محمڈن اسپورٹنگ پر دباؤ بنانے میں کامیاب رہی۔کھیل کے 50 ویں منٹ پر ڈی سیمو نے گول کرکے میچ کا اسکور 2-1 کر دیا ۔اس کے بعد دونوں ٹیموں کی طرف سے دلچسپ اور سنسنی خیز مقابلوں کا سلسلہ جاری رہا۔
یہ بھی پڑھیں:زخمی رتوراج گائیکواڑ ٹیسٹ سیریز سے باہر
کھیل کے اختتام تک محمڈن اسپورٹنگ 2-1 کی سبقت برقرار رکھتے ہوئے نیروکا ایف سی کو شکست دے دی۔اس میچ کے بعد محمڈن اسپورٹنگ 11میچوں میں آٹھ جیت ،تین ڈرا کی بدولت 27 پوائنٹ کے پہلی پوزیشن برقرار رکھی ۔لیگ کے پہلے مرحلے کے اختتام پر رئیل کشمیر ایف سی اور ڈکن سرینڈی 20-20 پوائنٹ کے ساتھ بالترتیب دوسری اور تیسری پوزیشن پر ہے۔
