کولکاتا:مغربی بنگال کے دارلحکومت کولکاتا کے کیشور بھارتی اسٹیڈیم میں کلکتہ فٹبال لیگ پریمئیر ڈویژن کے سپر 6 مرحلے کے اپنے آخری میچ میں محمڈن اسپورٹنگ کو خطاب جیت کر تاریخ رقم کرنے کے لئے میچ کے اختتام ہونے کا انتظار کرنا تھا۔
بھارتی فٹبال کی تاریخ کے کامیاب ترین فٹبال کلبوں میں سے ایک محمڈن اسپورٹنگ کو سپر 6 مرحلے کے آخری میچ میں موہن بگان سپر جینٹ سے مقابلہ تھا۔انڈین سپرلیگ میں کھیلنے والی موہن بگان سپر جینٹ کو محمڈن اسپورٹنگ کی جانب سے زبردست چیلنج کا سامنا کرنا پڑا ۔
اعتماد سے لبریز محمڈن اسپورٹنگ کے کھلاڑیوں نے جارحانہ انداز میں کھیل کامظاہرہ کرتے ہوئے اسٹار کھلاڑیوں پر مشتمل ٹیم موہن بگان پر دباو بنانے میں کامیاب رہے۔محمڈن اسپورٹنگ کی جانب سے حریف زبردست حملے ہوئے۔
کھیل کے 13 ویں منٹ پرہی فنائی لال رنگ سنگھا نے گول کرکے محمڈن اسپورٹنگ کو ایک صفر کی سبقت دلائی۔ ایک صفر کے خسارے کے بعد موہن بگان سپر جینٹ کی جانب سے بھی چند تحریکیں دیکھنے کو ملیں۔