گنگولی کی رشی کپور اور عرفان خان کے انتقال پر تعزیت

بھارتی کرکٹ بورڈ کے صدر سورو گنگولی نے آج بالی ووڈ اداکار عرفان خان اور رشی کپور کے انتقال پر اظہار تعزیت کیا جن کا بالترتیب بدھ اور جمعرات کو ممبئی کے اسپتال میں انتقال ہو گیا ۔

عرفان خان کی عمر 53 سال تھی جبکہ ان کے بالی ووڈ کے سینئر ساتھی 67 برس کی عمر میں انتقال کرگئے۔ دونوں ممبئی کے اسپتالوں میں موذی بیماری کینسر سے فوت ہوئے ۔

گنگولی کی رشی کپور اور عرفان خان کے انتقال پر تعزیت

سابق بھارتی کپتان اور موجودہ بی سی سی آ ئی کے صدر سورو گنگولی نے اپنے ٹویٹر اکاؤنٹ پر عرفان خان اور رشی کپور کی ایک دوسرے کے ساتھ گفتگو کرتے ہوئے تصویر شئیر کی جس میں دونوں اداکار بات چیت کر رہے تھے جس میں جونیئر اور باصلاحیت اداکار اپنے سینیر ساتھی کو بغور سن رہے ہیں ۔

بھارتی کرکٹ کنٹرول بورڈ کےچیف نے تحریر کیا کہ کسی کی زندگی میں ایک مکمل اور خوشگوار زندگی جینے کے علاوہ کوئی دوسرا معاملہ اہمیت نہیں رکھتا ۔آپ دونوں کی کمی شدید محسوس ہوگی ۔