بھارتی فٹبال کی تاریخ کے قدیم ترین کلب محمڈن اسپورٹنگ کی ٹیم نے سخت ٹریننگ کے ذریعہ تال میل پیدا کرکے نہ صرف حریف ٹیموں کے لیے خطرے کی گھنٹی بجادی ہے بلکہ برسوں بعد کلکتہ فٹبال لیگ 2021 اور ڈورنڈ کپ کے خطاب پر قبضے کی دعویداری پیش کررہی ہے۔
کلکتہ فٹبال لیگ: دو ستمبر کے میچ کے لیے محمڈن اسپورٹنگ ٹیم تیار - پہلے میچ میں ساؤدرن سمیتی کے خلاف بڑی جیت
کلکتہ فٹبال لیگ اور ڈورنڈ کپ کے خطابات جیتنے کے لیے محمڈن اسپورٹنگ کی سخت تیاریاں جاری ہیں، سیاہ سفید جرسی والی ٹیم نے سخت ٹریننگ کے ذریعہ تال میل پیدا کرکے نہ صرف حریف ٹیموں کے لیے خطرے کی گھنٹی بجادی ہے بلکہ برسوں بعد کلکتہ فٹبال لیگ 2021 اور ڈورنڈ کپ کے خطاب پر قبضے کی دعویداری پیش کررہی ہے۔
دو ستمبر کے میچ کے لیے محمڈن اسپورٹنگ ٹیم تیار
واضح رہے کہ محمڈن اسپورٹنگ کا اگلا میچ دو ستمبر کو ریلوے ایف سی کے ساتھ ہوگا، یہ اس کا دوسرا میچ ہے۔ پہلے میچ میں محمڈن اسپورٹنگ نے ساؤدرن سمیتی کو یکطرفہ مقابلے میں 0-3 سے شکست دی تھی۔