Md Salim On Bharat Jodo Yatra بھارت جوڑو یاترا میں شرکت سے محمد سلیم کی معذرت

سی پی آئی ایم کے ریاستی جنرل سیکرٹری محمد سلیم نے پردیش کانگریس کے صدر ادھیر رنجن چودھری کی بھارت جوڑو یاترا میں شرکت سے معذرت کرلی ہے۔ 23 جنوری کو نیتاجی سبھاش چندر بوس کے یوم پیدائش کے موقع پر سی پی آئی ایم نے متعدد پروگراموں کا اعلان کر رکھا ہے۔ Md Salim On Bharat Jodo Yatra

کولکاتا: مغربی بنگال پردیش کانگریس کمیٹی کی جانب سے 23 جنوری کو نیتا جی سبھاش چندر بوس کے یوم پیدائش پر کارشیانگ میں پروگرام کے آخری دن میں سی پی آئی ایم کے ریاستی جنرل سیکرٹری محمد سلیم کو شرکت کے لیے مدعو کیا گیا تھا۔ علیم الدین اسٹریٹ میں واقع سی پی آئی ایم کے ہیڈ کوارٹر سے موصولہ اطلاع کے مطابق سبھاش چندر بوس کی یوم پیدائش پر لفٹ فرنٹ کی طرف سے مختلف پروگراموں کا اعلان کیا گیا ہے ۔ان تمام پروگراموں میں سی پی آئی ایم کے ریاستی جنرل سیکرٹری کی شرکت لازمی ہے۔ سی پی آئی ایم ریاستی کمیٹی کے ایک لیڈر نے کہا کہ ان پروگرامز میں محمد سلیم کی موجودگی اہم ہے۔

اس کے علاوہ کچھ دیگر وجوہات کی بنا پر وہ اس دن کورشیانگ کا سفر نہیں کر سکتے ہیں۔ اس سلسلے میں بدھ کو سی پی آئی ایم کی ریاستی کمیٹی کی میٹنگ میں اس طرح کا فیصلہ کیا گیا۔ بتایا گیا ہے کہ صوبے کے کانگریس حکام کو ان کی شرکت نہ کرنے کی اطلاع دی جائے گی۔ سی پی آئی ایم کے جنرل سکریٹری سیتارام یچوری کو نیشنل کانگریس نے بھارت جورا یاترا میں شرکت کی دعوت دی تھی۔ یہ خط اے کے گوپالن بھون کو بھیجا گیا تھا۔ تاہم، سیتارام یچوری یا ان کی پارٹی کا کوئی اور اعلیٰ لیڈر آج تک راہل گاندھی کی درخواست پر یاترا میں شرکت نہیں کی۔

تاہم مغربی بنگال کی بات ہے تو لفٹ فرنٹ کی حامی اداکارہ سریلیکھا مترا،راجہ میترا کو بھارت جوڑو یاترا میں دیکھا گیا ہے۔ دو دن پہلے ایک سوال کے جواب میں محمد سلیم نے کہا تھا کہ مجھے ادھیر کا خط ملا ہے۔ بیمان بوس کو بائیں محاذ کو بھی مدعو کیا گیا ہے۔ یہ نہیں کہا جا سکتا کہ میں وہاں جاؤں گا یا نہیں۔ پارٹی کے فیصلے کے مطابق کارروائی کریں گے۔ مزید یہ کہ 23 ​​جنوری کو نیتا جی کا یوم پیدائش ہے۔ لفٹ فرنٹ نے اس دن پروگراموں کا پہلے سے اعلان کر رکھا ہے۔ تاہم ہم نے اس یاترا کے لیے اپنی حمایت کا اعلان کیا ہے۔ ہم اس یاترا کی کامیابی کی خواہش کرتے ہیں۔