Manipur Violence: منی پور تشدد کے پس منظر تریپورہ، اروناچل پردیش اور میگھالیہ نے ہیلپ لائن نمبرز جاری کیے

منی پور میں تشدد کے بعد تمام ریاستیں الرٹ ہوگئی ہیں۔ تریپورہ، اروناچل پردیش اور میگھالیہ کے وزراء اعلی نے منی میں پھنسے اپنے باشندوں کو مدد فراہم کرنے کے لئے ہیلپ لائن نمبرز جاری کیے ہیں۔ Tripura, Arunachal issue helpline numbers for its citizens

امپھال: تریپورہ حکومت نے منی پور تشدد کے پس منظر میں تریپورہ کے باشندوں کو مدد فراہم کرنے کے لیے ہیلپ لائن نمبر جاری کئے ہیں۔ تریپورہ کے وزیر اعلیٰ مانک ساہا نے ٹویٹ کیا کہ ریاستی حکومت نے منی پور تشدد کے پیش نظر میں ریاستی باشندوں کو 24x7 کی بنیاد پر مدد فراہم کرنے کے لیے ہیلپ لائن نمبر جاری کئے ہیں۔ دریں اثنا اروناچل پردیش حکومت نے منی پور سے اپنے طلباء کے محفوظ انخلاء کے لیے ایک رابطہ کمیٹی بھی تشکیل دی ہے۔

اروناچل پردیش کے وزیر اعلیٰ پیما کھانڈو نے ٹویٹ کیا کہ اروناچل پردیش کی حکومت منی پور کی حکومت سے طلباء کی فلاح و بہبود کو یقینی بنانے کے لئے رابطے میں ہے اور منی پور سے طلباء کے محفوظ انخلاء کے لئے کمشنر سی ایم او کی نگرانی میں ایک رابطہ کمیٹی بھی تشکیل دی گئی ہے۔ مزید برآں ناگالینڈ کے وزیر اعلیٰ نیفیو ریو نے جمعرات کو منی پور اور امپھال شہر میں ناگالینڈ کے لوگوں کے لیے ہیلپ لائن نمبروں کے بارے میں مطلع کیا۔ انہوں نے کہا کہ ریاستی پولیس کنٹرول روم: 0370 2242511، فیکس: 0370 2242512، واٹس ایپ: 08794833041، ای میل: sprckohima@gmail.com اور این ایس ڈی ایم اے: 0370 2381122/ 229112 نمبرات جاری کئے ہیں۔

قبل ازیں جمعرات کو میگھالیہ کے وزیر اعلیٰ کونراڈ سنگما نے منی پور میں تشدد کی اطلاعات کے بعد میگھالیہ کے طلباء کی حفاظت کو یقینی بنانے کے لیے ایک ہنگامی میٹنگ بلائی تھی۔ اعلیٰ سرکاری افسران کی میٹنگ میں وزیراعلیٰ نے اس بات پر روشنی ڈالی کہ تمام طلباء کی حفاظت کو یقینی بنایا جانا چاہیے۔ انہوں نے عہدیداروں کو یہ بھی ہدایت دی کہ اگر صورتحال بہتر ہوتی ہے تو طلباء کے انخلاء کا منصوبہ تیار کریں۔ سنگما نے کہا کہ میگھالیہ کے 200 سے زیادہ باشندے منی پور میں تعلیم حاصل کر رہے ہیں اور حکومت طلباء یا خاندان کے افراد کے لیے ہنگامی صورت حال میں ان تک پہنچنے کے لیے ایک ہیلپ لائن جاری کر رہی ہے۔