ریاست مغربی بنگال کی وزیر اعلی ممتا بنرجی نے جی ایس ٹی کے بقایاجات کے لئے وزیر اعظم نریندر مودی کو خط لکھا ہے۔ جس میں انہوں نے کہا ہے کہ مرکزی حکومت جی ایس ٹی میں ریاستی حکومت کی حصے داری دینے میں سنجیدگی کا مظاہرہ نہیں کر رہی ہے۔
وزیر اعلی ممتا بنرجی نے وزیر اعظم کو لکھے خط میں کہا ہے کہ 'تمام ریاستوں کے وزیر مالیت اور مرکزی وزیر مالیات کے درمیان جی ایس ٹی سے متعلق ایک معاہدہ ہوا تھا جس میں کہا گیا تھا کہ 'پانچ برسوں میں ریاستوں کے جی ایس ٹی فنڈ میں ہونے والے کمی کو مرکزی حکومت پورا کرے گی۔ لیکن اس معاہدہ کو اصول کے مطابق حل نہیں کیا گیا۔ حالانکہ یہ پورا معاملہ آپسی اتتفاق پر منحصر ہے۔