سیالدہ مین سیکشن کے رانا گھاٹ اور نئی ہٹی کے درمیان پینٹا گراف ٹوٹ جانے کے سبب لوکل ٹرین سروس پوری طرح متاثر ہوگئی.
راناگھاٹ اور نئی ہٹی جنکشن کے درمیان پینٹا گراف ٹوٹ جانے کے سبب سیالدہ میں درجنوں لوکل ٹرینوں کو معطل کرنا پڑا.
یکے بعد دیگرے لوکل ٹرینوں کی معطلی کے سبب عام لوگوں کو پریشانیوں کا سامنا کرنا پڑا.اس پر مسافروں نے ناراضگی کا اظہار کیا.
ذرائع کے مطابق آج صبح سویرے ہی راناگھاٹ اور نئی ہٹی کے درمیان پینٹا گراف ٹوٹنے کی اطلاع ملی. احتیاطاً اس سیکشن میں ٹرینوں کی آمدورفت معطل کرنی پڑی.
انہوں نے کہا کہ دوپہر کے بعد ہی اس روٹ ٹرینوں کی سروس دوبارہ بحال ہو سکتی ہے اس کے لئے پوری تیار کی جا رہی ہے.
سیالدہ مین سیکشن میں لوکل ٹرین سروس پوری طرح سے متاثر ہوئی. ابھی تک درجنوں لوکل ٹرینوں کو معطل کرنے کی اطلاع ہے
دوسری طرف مسافروں نے ریلوے انتظامیہ پر لاپرواہی کا الزام لگاتے ہوئے ناراضگی کا اظہار کیا.
ان کا کہنا ہے کہ ریلوے انتظامیہ پینٹاگراف کی مرمت کے کام میں لاپرواہی کا مظاہرہ کیا.