مغربی بنگال میں 27 فروری کو ہونے والے میونسپلٹیوں کے انتخابات West Bengal Civic Polls کی تیاریاں زور شور سے جاری ہے۔ اس کے مدنظر سیاسی سرگرمیاں بھی تیز ہو گئی ہے۔
ایک طرف حکمراں جماعت ترنمول کانگریس ریاست کے تمام میونسپلٹیوں پر قبضہ برقرار رکھنے کے لیے کوشش میں ہے تو دوسری لفٹ فرنٹ اور اس کی حلیف جماعتیں بلدیاتی انتخابات میں اپنی موجودگی کا احساس دلانے کی کوشش میں مصروف ہیں۔اسی درمیان سی پی آئی ایم نے شمالی 24 پرگنہ کے 25 میونسپلٹیوں کی کل 646 سیٹوں میں سے 493 پر امیدواروں کو انتخابی میدان میں اتارنے کا فیصلہ کیا ہے، جبکہ باقی سیٹز لفٹ فرنٹ میں شامل حلیف جماعتوں کے لیے چھوڑنے کا اعلان کیا گیا ہے۔شمالی 24 پرگنہ کے باراسات میں واقع سی پی آئی ایم کے ضلع دفتر میں لفٹ فرنٹ میں شامل تمام حلیف جماعتوں کی ایک میٹنگ ہوئی جس میں سیٹوں کی تقسیم اور نئے چہروں کو ٹکٹ دینے پر تبادلہ خیال ہوا۔میٹنگ کے بعد پریس کانفرنس کا اہتمام کیا گیا۔ پریس کانفرنس سے خطاب کرتے ہوئے سی پی آئی ایم کے رہنما مینال چکرورتی نے کہاکہ سیٹ شئیرنگ پر اتفاق رائے ہوئی ہے۔انہوں نے کہاکہ شمالی 24 پرگنہ کے کل 25 میونسپلٹیوں کی سیٹوں پر تفصیلی بات چیت ہوئی ہے۔ اس کے تحت کل 646 سیٹوں میں سے 493 سیٹوں پر سی پی آئی ایم کے امیدوار اپنی اپنی قسمت آزمائیں گے۔انہوں نے کہاکہ' اس کے علاوہ سی پی آئی کے لیے 50، فارورڈ بلاک کے لیے 32 اور آر ایس پی کے لیے صرف نو سیٹز چھوڑی گئی ہے۔ اس کے علاوہ 62 سیٹز محفوظ رکھی گئی ہے۔ دوسری طرف گارولیا میونسپلٹی کے 21 وارڈوں کے لیے لفٹ فرنٹ نے امیدواروں کے ناموں کا اعلان کیا جس میں چار مسلم امیدوار شامل ہیں۔ ان میں سے ایڈوکیٹ نوشاد انور وارڈ نمبر چھ سے اپنی قسمت آزمائے گے۔
دوسری طرف لفٹ فرنٹ نے بلدیاتی انتخابات کے لیے کانگریس سے کسی بھی طرح کے اتحاد سے انکار کر دیا ہے۔ Left Front Denied to Alliance with Congress
مزید پڑھیں:
