KMC on Primary School پرائمری اسکولوں کو پرائیویٹ تعلیمی اداروں كے طرز پر چلانے کا منصوبہ

کولکاتا میونسپل کارپوریشن نے کے ایم سی کے ماتحت چلنے والے پرائمری اسکولوں کو پرائیویٹ اسکولوں کے طرز پر چلانے کے منصوبہ بنایا ہے۔ اس منصوبے کے تحت گارجین اور اساتذہ کی میٹنگ کی جائے گی۔ KMC on Primary School

کولکاتا:مغربی بنگال کے دارالحکومت کولکاتا میں واقع کولکاتا میونسپل کارپوریشن ان دنوں خسارے میں چلنے کے باوجود روزانہ نئے نئے ترقیاتی منصوبوں کا اعلان کر رہا ہے۔ Kolkata municipal corporation planning to run primary school on private public format

اسی درمیان کولکاتامیونسپل کارپوریشن نے کے ایم سی کے تحت چلنے والے پرائمری اسکولوں کو پبلک پرائیویٹ اسکولوں کی طرز پر چلانے کے منصوبے کا اعلان کیا ہے۔اس منصوبے کے تحت گارجین اور اساتذہ کی میٹنگ کی جائے گی۔

اس منصوبے کے تحت کولکاتا میونسپل کارپوریشن کے تحت چلنے والے پرائمری اسکولوں کو پرائیویٹ اسکولوں کے طرز پر چلایا جائے گا۔ اس منصوبے کے لئے نجی اداروں کی بھی مدد لی جائے گی۔

کولکاتا میونسپل کارپوریشن کے محکمہ تعلیم کے سربراہ سندپن ساہا نے کہا کہ یہ ایک تجربہ ہے۔ اس تجربے میں کامیابی ملتی ہے تو اس کو لے کر مستقبل میں ٹھوس قدم اٹھائے جائیں گے۔ امید ہے کہ منصوبہ کامیاب ہوگا۔

انہوں نے کہا کہ کے ایم پی اسکولوں کو پرائیویٹ انگلش میڈیم اسکول کارنگ دیا جائے گا۔ تعلیمی معیار پر سب سے زیادہ توجہ دی جائے گی۔ اس کے لئے اساتذہ اور گارجین کے درمیان میٹنگ کرائی جائے گی۔

ان کا کہنا ہے کہ گارجین اور اساتذہ کی میٹنگ میں تعلیمی معیار کو بہتر بنانے کے ساتھ ساتھ مختلف اہم موضوعات پر تبادلہ خیال کیا جائے گا۔ اس کے لئے راہ ہموار کرنےکی کوشش کی جا رہی ہے۔

واضح رہے کہ چند دنوں قبل کولکاتا میونسپل کارپوریشن کے میئراوروزیر فرہادحکیم نے کے ایم سی کے تحت چلنے والے اسکولوں کو اسمارٹ اسکول بنانے کا اعلان کیا تھا۔ اسمارٹ اسكولوں میں بچوں كو تعلیم كے ساتھ ساتھ كمپیوٹر، سائنس اور صحت سے متعلق تعلیم دینے كا فیصلہ كیا گیا ہے۔