کولکاتا ہائی کورٹ کو جمعہ سے سوموار تک بند رکھنے کا فیصلہ

کنٹیمنٹ زون میں از سر نو لاک ڈاؤن نافذ ہوجانے کی وجہ سے کولکاتا ہائی کورٹ جمعہ سے سوموار تک بند رہے گا۔

رجسٹرار جنرل کے مطابق عدالت کی عمارت کو سنیٹائز کرنے کیلئے چیف جسٹس نے 10جولائی سے 13جولائی تک عدالتی کارروائی اور انتظامی کارروائی کو بند کرنے کا فیصلہ کیا ہے۔

رجسٹرار جنرل رائے چٹو پادھیائے نے کہا کہ ریاست بھر کنٹیمنٹ زون میں از سر نو لاک ڈاؤن نافذ ہونے کے پیش نظر یہ فیصلہ کیا ہے۔

انہوں نے کہا کہ اس درمیان کلکتہ ہائی کورٹ کی تینو ں عمارت کی سنیٹائز کیا جائے گا۔

خیال رہے کہ ڈھائی مہینہ بند رہنے کے بعد کلکتہ ہائی کورٹ نے فیزیکل سماعت 11جون سے شروع کردیا ہے۔

جب کہ لاک ڈاؤن کے درمیان صرف ضروری معاملات کی سماعت کی جاتی تھی۔

خیال رہے کہ مغربی بنگال حکومت کے فیصلے کے مطابق آج شام 5بجے سے ریاست کے تمام کنٹیمنٹ زون میں لاک ڈاؤن نافذ ہوگیا ہے۔

جن علاقوں میں لاک ڈاؤن نافذ کیا گیا ہے ان علاقوں میں آمد ورفت مکمل طور پر بند کردیا گیا ہے۔

ضروری اشیاء کی دوکانوں کے علاو ہ تمام تجارتی سرگرمیان بند رہیں گی۔

نہ ان علاقوں میں جانے کی اجازت اور وہاں سے نکلنے کی اجازت نہیں ہوگی.