مغربی بنگال: زرعی اور بجلی قوانین کے خلاف احتجاج، قومی شاہراہ جام

آل انڈیا کسان اور کھیتی مزدور یونین کے سینکڑوں کارکنوں نے مرکزی حکومت کے خلاف احتجاج کرتے ہوئے زرعی اور بجلی قوانین کو جلد سے جلد واپس لینے کا مطالبہ کیا۔ دونوں تنظیموں نے زرعی قوانین کے خلاف مظاہرہ کرتے ہوئے قومی شاہراہ کو جام کر دیا۔

مغربی بنگال کے شمالی 24 پرگنہ کے باراسات میں کسانوں کی تنظیم آل انڈیا کسان اور کھیتی مزدور یونین نے مرکزی حکومت کے خلاف زور دار احتجاج کیا۔

بایاں محاذ کی حامی تنظیم آل انڈیا کسان اور کھیتی مزدور یونین کے سینکڑوں کارکنوں نے مرکزی حکومت کے خلاف احتجاج کرتے ہوئے زرعی اور بجلی قوانین جلد سے جلد واپس لینے کا مطالبہ کیا۔ مظاہرین نے مرکز کے خلاف نعرہ بازی کرتے ہوئے قومی شاہراہ کو جام کر دیا۔

مظاہرین کی جانب سے قومی شاہراہ کو جام کرنے کے سبب آمدورفت پوری طرح سے متاثر ہو گئی۔ جس کی وجہ سے مسافروں کو پریشانی کا سامنا کرنا پڑا۔

تنظیم کے ضلع صدر سپن گھوش نے کہا کہ بی جے پی کی قیادت والی مرکزی حکومت کو ہر حال زرعی قوانین کو واپس لینا ہی پڑے گا۔

انہوں نے کہا کہ زرعی قوانین کو واپس لئے بغیر مسئلے کو حل نہیں کیا جا سکتا ہے۔ یہ قانون کسانوں کے ساتھ ساتھ عام لوگوں کے لئے بھی نقصان دہ ہے۔

انہوں نے مزید کہا کہ بجلی قانون کو بھی واپس لینا چاہئے۔ اس قانون کا عام لوگوں پر اضافی دباؤ پڑے گا۔

جام کی صورت حال کو دیکھتے ہوئے پولیس نے موقع پر پہنچ کر حالات کو قابو میں کیا اور مظاہرین کو سڑک سے ہٹا کر قومی شاہراہ پر گاڑیوں کی آمدورفت دوبارہ بحال کرائی۔