مغربی بنگال میں جے پی نڈا کے قافلے پر حملہ

یہ واقعہ سرکول میں اس وقت پیش آیا جب بی جے پی کے قومی صدر جے پی نڈا پارٹی کے اجلاس میں حصہ لینے ڈائمنڈ ہاربر جارہے تھے۔ بی جے پی رہنما کیلاش وجئے ورگیہ کی گاڑی پر بھی حملہ کیا گیا۔ اینٹوں سے ان کی کار کو بھی نشانہ بنائے جانے کی خبر ہے۔

مغربی بنگال کے ڈائمنڈ ہاربر میں بی جے پی صدر جے پی نڈا کے قافلے پر حملہ ہوا ہے۔ نڈا کی بنگال آمد کے خلاف احتجاج کرنے والے لوگوں نے ڈائمنڈ ہاربر سے ان کے قافلے کو گزرنے سے روکنے کی کوشش کی۔ اس دوران ان کے قافلے پر پتھراؤ کیا گیا۔

قافلے میں شامل بی جے پی کے جنرل سکریٹری کیلاش وجئے ورگیہ کی کار کا شیشہ بھی ٹوٹ گیا۔ وہ بال بال بچے۔ دونوں رہنما پارٹی کارکنوں کے اجلاس سے خطاب کے لئے جنوبی 24 پرگنہ جا رہے تھے۔

قافلے میں شامل بی جے پی کے جنرل سکریٹری کیلاش وجئے ورگیہ کی کار کا شیشہ بھی ٹوٹ گیا۔

مغربی بنگال کے گورنر جگدیپ دھنکر نے بی جے پی صدر کے قافلے پر حملے کو تشویشناک قرار دیا ہے۔ انہوں نے کہا میں انتشار کی خوفناک اطلاعات سے پریشان ہوں۔ بی جے پی صدر کے قافلے پر حملہ ہوا۔ پولیس نے اس کی حمایت کی ہے۔ یہ CS اور DGP کو میرے انتباہات کے باوجود ہوا ہے۔ یہ قانون کے خاتمے کی علامت ہے۔

گورنر جگدیپ دھنکھر نے بی جے پی صدر کے قافلے پر حملے کو تشویشناک قرار دیا ہے

مغربی بنگال کے بی جے پی صدر دلیپ گھوش نے کہا 'ہندوستانی سیاست کی تاریخ میں یہ ایک سیاہ دن ہے۔ یہاں تک کہ مغربی بنگال میں میڈیا بھی محفوظ نہیں ہے۔'

دلیپ گھوش نے کہا 'ہندوستانی سیاست کی تاریخ میں یہ ایک سیاہ دن ہے

غور طلب ہے کہ آئندہ سال ریاست میں اسمبلی کے انتخابات ہونے جارہے ہیں، ایسی صورتحال میں ریاست میں انتخابی گہما گہمی میں اضافہ ہوا ہے۔