عمر خالد نے اپنے والد کی حمایت میں ریلی سے خطاب کیا

جے این یو طلبا یونین کے سابق رہنما عمر خالد نے آج مغربی بنگال کے مرشد آباد کے جنگی پور پارلیمانی حلقہ سے ویلفیئر پارٹی آف انڈیا کے امیدوار اور اپنے والد سید قاسم رسول الیاس کی حمایت میں ایک انتخابی جلسے سے خطاب کرتے ہوئے ممتا بنرجی اور نریندر مودی حکومت کی پالیسیوں پر نکتہ چینی کی۔

عمر خالد نے اس موقع پرکانگریس کے امیدوار ابھیجیت مکھرجی پر بھی تنقید کی۔ واضح رہے کہ مرشد آباد کے جنگی پور پالیمانی نشست سے ابھیجیت مکھرجی کو ترنمول کانگریس کی حمایت سے جیت حاصل ہوئی تھی۔

لیکن اس بار جنگی پور سیٹ پر سخت مقابلہ ہے، بی جے پی نے اس سیٹ سےخاتون کو امیدوار بنایا ہے، عمر خالد نے ریلی سے خطاب کرتے ہوئے مودی اور ممتابنرجی کے علاوہ کانگریس کی بھی پالیسیوں پر بھی نکتہ چینی کی۔

عمر خالد نے جنگی پور کے لوگوں سے ویلفیئر پارٹی آف انڈیا کے امیدوار اور اپنے والد سید قاسم رسول الیاس کو ووٹ دینے کی اپیل کی اور کہا کہ ترنمول کانگریس، بی جے پی اور کانگریس سب نے عوام کے ساتھ وعدہ خلافی کی ہے اس لئے ان کو سبق سکھانا ضروری ہے۔